लहू न आँख से टपका न ज़ख़्म-ए-दिल उभरे
भरी बहार के ये दिन बहुत गिराँ गुज़रे
वो पुर-फ़रेब निगाहें वो ए'तिमाद की मौत
न जाने ज़ेहन पे माज़ी के नक़्श क्यों उभरे
हसीन लम्हे मिरी ज़िंदगी के लौटा दे
जो आरज़ू में कटे तेरी याद में गुज़रे
जुनूँ-नवाज़ निगाहें हैं रहनुमा अपनी
न जाने क़ाफ़िला-ए-ज़िंदगी कहाँ ठहरे
सवाल-ए-तर्क-ए-वफ़ा तुम ने ख़ुद उठाया था
उदास क्यों हैं निगाहें ये बाल यूँ बिखरे
न जाने आज ही क्यों दिल की नब्ज़ डूब गई
तिरे दयार से हम यूँ तो बारहा गुज़रे
यही है जान-ए-मोहब्बत यही शुऊर-ए-वफ़ा
ज़बाँ ख़मोश निगाहों पे लाज के पहरे
क़दम क़दम पे फ़साने बनेंगे ऐ 'माहिर'
यहाँ न आँख ही भीगे न मुँह का रंग उतरे
lahū na aañkh se Tapkā na zaḳhm-e-dil ubhre
bharī bahār ke ye din bahut girāñ guzre
vo pur-fareb nigāheñ vo e'timād kī maut
na jaane zehn pe maazī ke naqsh kyoñ ubhre
hasīn lamhe mirī zindagī ke lauTā de
jo aarzū meñ kaTe terī yaad meñ guzre
junūñ-navāz nigāheñ haiñ rahnumā apnī
na jaane qāfila-e-zindagī kahāñ Thahre
savāl-e-tark-e-vafā tum ne ḳhud uThāyā thā
udaas kyoñ haiñ nigāheñ ye baal yuuñ bikhre
na jaane aaj hī kyoñ dil kī nabz Duub ga.ī
tire dayār se ham yuuñ to bārhā guzre
yahī hai jān-e-mohabbat yahī shu.ūr-e-vafā
zabāñ ḳhamosh nigāhoñ pe laaj ke pahre
qadam qadam pe fasāne baneñge ai 'māhir'
yahāñ na aañkh hī bhīge na muñh kā rang utre
لہو نہ آنکھ سے ٹپکا نہ زخم دل ابھرے
بھری بہار کے یہ دن بہت گراں گزرے
وہ پر فریب نگاہیں وہ اعتماد کی موت
نہ جانے ذہن پہ ماضی کے نقش کیوں ابھرے
حسین لمحے مری زندگی کے لوٹا دے
جو آرزو میں کٹے تیری یاد میں گزرے
جنوں نواز نگاہیں ہیں رہ نما اپنی
نہ جانے قافلۂ زندگی کہاں ٹھہرے
سوال ترک وفا تم نے خود اٹھایا تھا
اداس کیوں ہیں نگاہیں یہ بال یوں بکھرے
نہ جانے آج ہی کیوں دل کی نبض ڈوب گئی
ترے دیار سے ہم یوں تو بارہا گزرے
یہی ہے جان محبت یہی شعور وفا
زباں خموش نگاہوں پہ لاج کے پہرے
قدم قدم پہ فسانے بنیں گے اے ماہرؔ
یہاں نہ آنکھ ہی بھیگے نہ منہ کا رنگ اترے