लहू की मय बनाई दिल का पैमाना बना डाला
जिगर-दारों ने मक़्तल को भी मय-ख़ाना बना डाला
हमारे जज़्बा-ए-तामीर की कुछ दाद दो यारो
कि हम ने बिजलियों को शम्अ' का शाना बना डाला
सितम ढाते हो लेकिन लुत्फ़ का एहसास होता है
इसी अंदाज़ ने दुनिया को दीवाना बना डाला
भरी महफ़िल में हम ने बात कर ली थी उन आँखों से
बस इतनी बात का यारों ने अफ़्साना बना डाला
मिरे ज़ौक़-ए-परस्तिश की करिश्मा-साज़ियाँ देखो
कभी का'बा कभी का'बे को बुत-ख़ाना बना डाला
शिकायत बिजलियों से है न शिकवा बाद-ए-सरसर से
चमन को ख़ुद चमन वालों ने वीराना बना डाला
चलो अच्छा हुआ दुनिया 'हफ़ीज़' अब दूर है हम से
मोहब्बत ने हमें दुनिया से बेगाना बना डाला
lahū kī mai banā.ī dil kā paimāna banā Daalā
jigar-dāroñ ne maqtal ko bhī mai-ḳhāna banā Daalā
hamāre jazba-e-tāmīr kī kuchh daad do yaaro
ki ham ne bijliyoñ ko sham.a kā shāna banā Daalā
sitam Dhāte ho lekin lutf kā ehsās hotā hai
isī andāz ne duniyā ko dīvāna banā Daalā
bharī mahfil meñ ham ne baat kar lī thī un āñkhoñ se
bas itnī baat kā yāroñ ne afsāna banā Daalā
mire zauq-e-parastish kī karishma-sāziyāñ dekho
kabhī ka.aba kabhī ka.abe ko but-ḳhāna banā Daalā
shikāyat bijliyoñ se hai na shikva bād-e-sarsar se
chaman ko ḳhud chaman vāloñ ne vīrāna banā Daalā
chalo achchhā huā duniyā 'hafīz' ab duur hai ham se
mohabbat ne hameñ duniyā se begāna banā Daalā
لہو کی مے بنائی دل کا پیمانہ بنا ڈالا
جگر داروں نے مقتل کو بھی مے خانہ بنا ڈالا
ہمارے جذبۂ تعمیر کی کچھ داد دو یارو
کہ ہم نے بجلیوں کو شمع کا شانہ بنا ڈالا
ستم ڈھاتے ہو لیکن لطف کا احساس ہوتا ہے
اسی انداز نے دنیا کو دیوانہ بنا ڈالا
بھری محفل میں ہم نے بات کر لی تھی ان آنکھوں سے
بس اتنی بات کا یاروں نے افسانہ بنا ڈالا
مرے ذوق پرستش کی کرشمہ سازیاں دیکھو
کبھی کعبہ کبھی کعبہ کو بت خانہ بنا ڈالا
شکایت بجلیوں سے ہے نہ شکوہ باد صرصر سے
چمن کو خود چمن والوں نے ویرانہ بنا ڈالا
چلو اچھا ہوا دنیا حفیظؔ اب دور ہے ہم سے
محبت نے ہمیں دنیا سے بیگانہ بنا ڈالا