लहरों में भँवर निकलेंगे मेहवर न मिलेगा
हर मौज में पानी भी बराबर न मिलेगा
गिर जाती है रोज़ एक परत राख बदन से
जलने का समाँ फिर भी कहीं पर न मिलेगा
चश्मक भी जो रखनी है तो चौथाई ज़मीं से
शोरीदा ज़बाँ कैसे समुंदर न मिलेगा
हर सम्त दिमाग़ों के तरंगों का है शब-ख़ूँ
तकनीक की इस जंग में लश्कर न मिलेगा
रस्ते ही में जल बुझती है महताबी-ए-अंजुम
साबित को तो सय्यार का ज़ेवर न मिलेगा
करते हैं हिफ़ाज़त सभी दीवार-ए-अना की
रख़्ने के बराबर भी कहीं दर न मिलेगा
कूज़ा-गर-ए-क़ामूस कहाँ 'ज़ेब' सा 'तफ़ज़ील'
सिमटा हुआ काग़ज़ पे समुंदर न मिलेगा
lahroñ meñ bhañvar nikleñge mehvar na milegā
har mauj meñ paanī bhī barābar na milegā
gir jaatī hai roz ek parat raakh badan se
jalne kā samāñ phir bhī kahīñ par na milegā
chashmak bhī jo rakhnī hai to chauthā.ī zamīñ se
shorīda zabāñ kaise samundar na milegā
har samt dimāġhoñ ke tarañgoñ kā hai shab-ḳhūñ
taknīk kī is jañg meñ lashkar na milegā
raste hī meñ jal bujhtī hai mahtābī-e-anjum
sābit ko to sayyār kā zevar na milegā
karte haiñ hifāzat sabhī dīvār-e-anā kī
raḳhne ke barābar bhī kahīñ dar na milegā
kūza-gar-e-qāmūs kahāñ 'zeb' sā 'tafzīl'
simTā huā kāġhaz pe samundar na milegā
لہروں میں بھنور نکلیں گے محور نہ ملے گا
ہر موج میں پانی بھی برابر نہ ملے گا
گر جاتی ہے روز ایک پرت راکھ بدن سے
جلنے کا سماں پھر بھی کہیں پر نہ ملے گا
چشمک بھی جو رکھنی ہے تو چوتھائی زمیں سے
شوریدہ زباں کیسے سمندر نہ ملے گا
ہر سمت دماغوں کے ترنگوں کا ہے شب خوں
تکنیک کی اس جنگ میں لشکر نہ ملے گا
رستے ہی میں جل بجھتی ہے مہتابئ انجم
ثابت کو تو سیار کا زیور نہ ملے گا
کرتے ہیں حفاظت سبھی دیوار انا کی
رخنے کے برابر بھی کہیں در نہ ملے گا
کوزہ گر قاموس کہاں زیبؔ سا تفضیلؔ
سمٹا ہوا کاغذ پہ سمندر نہ ملے گا