घने अरमान गाढ़ी आरज़ू करने से मिलता है
ख़ुदा जाड़े की रातों में वुज़ू करने से मिलता है
हवा की धुन दरख़्तों का सुख़न नग़्मे हैं लेकिन फ़न
दिलों के चाक में आँखें रफ़ू करने से मिलता है
ख़ुदा उन को शुऊ'र-ए-तिश्नगी देता तो अच्छा था
इन्हीं प्यासों में क्या शग़्ल-ए-सुबू करने से मिलता है
यक़ीं दुनिया नहीं करती मगर है तजरबा मेरा
सुकूँ तो बुत-कदे में हाव-हू करने से मिलता है
बदलते रंग ज़ख़्मों के हैं नीले सुर्ख़ और काले
फ़लक को भी ये गर्दिश चार-सू करने से मिलता है
उफ़ुक़ पर क़ुमक़ुमों में क़ुमक़ुमे ज़म होते जाते हैं
मज़ा आँखों का आँखें रू-ब-रू करने से मिलता है
ghane armān gāḌhī aarzū karne se miltā hai
ḳhudā jaaḌe kī rātoñ meñ vuzū karne se miltā hai
havā kī dhun daraḳhtoñ kā suḳhan naġhme haiñ lekin fan
diloñ ke chaak meñ āñkheñ rafū karne se miltā hai
ḳhudā un ko shu.ūr-e-tishnagī detā to achchhā thā
inhīñ pyāsoñ meñ kyā shaġhl-e-subū karne se miltā hai
yaqīñ duniyā nahīñ kartī magar hai tajraba merā
sukūñ to but-kade meñ hāv-hū karne se miltā hai
badalte rañg zaḳhmoñ ke haiñ niile surḳh aur kaale
falak ko bhī ye gardish chār-sū karne se miltā hai
ufuq par qumqumoñ meñ qumqume zam hote jaate haiñ
maza āñkhoñ kā āñkheñ rū-ba-rū karne se miltā hai
گھنے ارمان گاڑھی آرزو کرنے سے ملتا ہے
خدا جاڑے کی راتوں میں وضو کرنے سے ملتا ہے
ہوا کی دھن درختوں کا سخن نغمے ہیں لیکن فن
دلوں کے چاک میں آنکھیں رفو کرنے سے ملتا ہے
خدا ان کو شعور تشنگی دیتا تو اچھا تھا
انہیں پیاسوں میں کیا شغل سبو کرنے سے ملتا ہے
یقیں دنیا نہیں کرتی مگر ہے تجربہ میرا
سکوں تو بت کدے میں ہاؤ ہو کرنے سے ملتا ہے
بدلتے رنگ زخموں کے ہیں نیلے سرخ اور کالے
فلک کو بھی یہ گردش چار سو کرنے سے ملتا ہے
افق پر قمقموں میں قمقمے ضم ہوتے جاتے ہیں
مزہ آنکھوں کا آنکھیں روبرو کرنے سے ملتا ہے