लब-ए-मंतिक़ रहे कोई न चश्म-लन-तरानी हो
ज़मीं फिर से मुरत्तब हो फ़लक पर नज़र-ए-सानी हो
अभी तक हम ने जो माँगा तिरे शायाँ नहीं माँगा
सिखा दे हम को कुन कहना जो तेरी मेहरबानी हो
ख़स-ए-बे-माजरा हैं ख़ार बे-बाज़ार हैं तो क्या
नुमू-शहकार हम भी हैं हमारी भी किसानी हो
मिलेंगे धूप की मारी चटानों में भी ख़्वाब-ए-नम
कोई ख़ुश्की नहीं ऐसी जहाँ तह में न पानी हो
लहू को भी तनफ़्फ़ुस ही रवाँ रखता है ख़लियों में
बहे सहरा में भी कश्ती अगर ज़ोर-ए-दुख़ानी हो
बड़ा सुरख़ाब पर निकला बदन का ख़ूँ-चकाँ रहना
शफ़क़ सय्याह की लाज़िम थी रंगत अर्ग़वानी हो
तख़ातुब के लिए 'तफ़ज़ील' अबजद मेरे हाज़िर हैं
कोई नक़्क़ारा-ख़ाना हो कि बैत बे-ज़बानी हो
lab-e-mantiq rahe koī na chashm-e-lan-tarānī ho
zamīñ phir se murattab ho falak par nazar-e-sānī ho
abhī tak ham ne jo māñgā tire shāyāñ nahīñ māñgā
sikhā de ham ko kun kahnā jo terī mehrbānī ho
ḳhas-e-be-mājrā haiñ ḳhaar be-bāzār haiñ to kyā
numū-shahkār ham bhī haiñ hamārī bhī kisānī ho
mileñge dhuup kī maarī chaTānoñ meñ bhī ḳhvāb-e-nam
koī ḳhushkī nahīñ aisī jahāñ tah meñ na paanī ho
lahū ko bhī tanaffus hī ravāñ rakhtā hai ḳhaliyoñ meñ
bahe sahrā meñ bhī kashtī agar zor-e-duḳhānī ho
baḌā surḳhāb par niklā badan kā ḳhūñ-chakāñ rahnā
shafaq sayyāh kī lāzim thī rañgat arġhavānī ho
taḳhātub ke liye 'tafzīl' abjad mere hāzir haiñ
koī naqqāra-ḳhāna ho ki bait be-zabānī ho
لب منطق رہے کوئی نہ چشم لن ترانی ہو
زمیں پھر سے مرتب ہو فلک پر نظر ثانی ہو
ابھی تک ہم نے جو مانگا ترے شایاں نہیں مانگا
سکھا دے ہم کو کن کہنا جو تیری مہربانی ہو
خس بے ماجرا ہیں خار بے بازار ہیں تو کیا
نمو شہکار ہم بھی ہیں ہماری بھی کسانی ہو
ملیں گے دھوپ کی ماری چٹانوں میں بھی خواب نم
کوئی خشکی نہیں ایسی جہاں تہ میں نہ پانی ہو
لہو کو بھی تنفس ہی رواں رکھتا ہے خلیوں میں
بہے صحرا میں بھی کشتی اگر زور دخانی ہو
بڑا سرخاب پر نکلا بدن کا خونچکاں رہنا
شفق سیاح کی لازم تھی رنگت ارغوانی ہو
تخاطب کے لیے تفضیلؔ ابجد میرے حاضر ہیں
کوئی نقارہ خانہ ہو کہ بیت بے زبانی ہو