लहर की तरह किनारे से उछल जाना है
देखते देखते हाथों से निकल जाना है
दोपहर वो है कि होती नज़र आती ही नहीं
दिन हमारा तो बहुत पहले ही ढल जाना है
जी हमारा भी यहाँ अब नहीं लगता इतना
आज अगर रोक लिए जाएँ तो कल जाना है
दिल में खिलता हुआ इक आख़िरी ख़्वाहिश का ये फूल
जाते जाते इसे ख़ुद मैं ने मसल जाना है
जो यहाँ ख़ुद ही लगा रक्खी है चारों जानिब
एक दिन हम ने इसी आग में जल जाना है
चलती रुकती हुई ये हुस्न भी है एक हवा
मौसम-ए-इश्क़ भी इक रोज़ बदल जाना है
जैसे घुट्टी में कोई ख़ौफ़ पड़ा हो इस की
बात-बे-बात ही इस दिल ने दहल जाना है
और तो होनी है क्या अपनी वसूली उस से
मुँह पे कालक ये मुलाक़ात की मल जाना है
मैं भी कुछ देर से बैठा हूँ निशाने पे 'ज़फ़र'
और वो खेंचा हुआ तीर भी चल जाना है
lahr kī tarah kināre se uchhal jaanā hai
dekhte dekhte hāthoñ se nikal jaanā hai
dopahar vo hai ki hotī nazar aatī hī nahīñ
din hamārā to bahut pahle hī Dhal jaanā hai
jī hamārā bhī yahāñ ab nahīñ lagtā itnā
aaj agar rok liye jaa.eñ to kal jaanā hai
dil meñ khiltā huā ik āḳhirī ḳhvāhish kā ye phuul
jaate jaate ise ḳhud maiñ ne masal jaanā hai
jo yahāñ ḳhud hī lagā rakkhī hai chāroñ jānib
ek din ham ne isī aag meñ jal jaanā hai
chaltī ruktī huī ye husn bhī hai ek havā
mausam-e-ishq bhī ik roz badal jaanā hai
jaise ghuTTī meñ koī ḳhauf paḌā ho is kī
bāt-be-bāt hī is dil ne dahal jaanā hai
aur to honī hai kyā apnī vasūlī us se
muñh pe kālak ye mulāqāt kī mal jaanā hai
maiñ bhī kuchh der se baiThā huuñ nishāne pe 'zafar'
aur vo kheñchā huā tiir bhī chal jaanā hai
لہر کی طرح کنارے سے اچھل جانا ہے
دیکھتے دیکھتے ہاتھوں سے نکل جانا ہے
دوپہر وہ ہے کہ ہوتی نظر آتی ہی نہیں
دن ہمارا تو بہت پہلے ہی ڈھل جانا ہے
جی ہمارا بھی یہاں اب نہیں لگتا اتنا
آج اگر روک لیے جائیں تو کل جانا ہے
دل میں کھلتا ہوا اک آخری خواہش کا یہ پھول
جاتے جاتے اسے خود میں نے مسل جانا ہے
جو یہاں خود ہی لگا رکھی ہے چاروں جانب
ایک دن ہم نے اسی آگ میں جل جانا ہے
چلتی رکتی ہوئی یہ حسن بھی ہے ایک ہوا
موسم عشق بھی اک روز بدل جانا ہے
جیسے گھٹی میں کوئی خوف پڑا ہو اس کی
بات بے بات ہی اس دل نے دہل جانا ہے
اور تو ہونی ہے کیا اپنی وصولی اس سے
منہ پہ کالک یہ ملاقات کی مل جانا ہے
میں بھی کچھ دیر سے بیٹھا ہوں نشانے پہ ظفرؔ
اور وہ کھینچا ہوا تیر بھی چل جانا ہے