लाख दिल-मस्त हो मस्ती का अयाँ राज़ न हो
ये वो शीशा है कि टूटे भी तो आवाज़ न हो
ख़ौफ़ है मौसम-ए-गुल में कि सबा का झोंका
ताइर-ए-होश के हक़ में पर-ए-परवाज़ न हो
दिल बहुत बुलबुल-ए-शैदा का है नाज़ुक गुलचीं
फूल गुलज़ार के यूँ तोड़ कि आवाज़ न हो
क्या क़यामत है वो दिल तोड़ रहे हैं मेरा
इस गुमाँ पर कि छुपा इस में कोई राज़ न हो
आईना हाथ में है हुस्न का नज़्ज़ारा है
उन से कह दो मिरी हालत नज़र-अंदाज़ न हो
हो के वो मस्त-ए-मय-ए-नाज़ गले लिपटे हैं
होश कम्बख़्त कहीं तफ़रक़ा-पर्दाज़ न हो
उस गिरफ़्तार की पूछो न तड़प जिस के लिए
दर क़फ़स का हो खुला ताक़त-ए-परवाज़ न हो
अहल-ए-दिल को जो लुटाती है सदा नग़्मे की
पर्दा-ए-साज़ में पिन्हाँ तिरी आवाज़ न हो
थाम लेने दो कलेजा मुझे हाथों से 'जलील'
क़िस्सा-ए-दर्द-ए-जिगर का अभी आग़ाज़ न हो
laakh dil-mast ho mastī kā ayaañ raaz na ho
ye vo shīsha hai ki TuuTe bhī to āvāz na ho
ḳhauf hai mausam-e-gul meñ ki sabā kā jhoñkā
tā.ir-e-hosh ke haq meñ par-e-parvāz na ho
dil bahut bulbul-e-shaidā kā hai nāzuk gulchīñ
phuul gulzār ke yuuñ toḌ ki āvāz na ho
kyā qayāmat hai vo dil toḌ rahe haiñ merā
is gumāñ par ki chhupā is meñ koī raaz na ho
ā.īna haath meñ hai husn kā nazzāra hai
un se kah do mirī hālat nazar-andāz na ho
ho ke vo mast-e-mai-e-nāz gale lipTe haiñ
hosh kambaḳht kahīñ tafraqa-pardāz na ho
us giraftār kī pūchho na taḌap jis ke liye
dar qafas kā ho khulā tāqat-e-parvāz na ho
ahl-e-dil ko jo luTātī hai sadā naġhme kī
parda-e-sāz meñ pinhāñ tirī āvāz na ho
thaam lene do kaleja mujhe hāthoñ se 'jalīl'
qissa-e-dard-e-jigar kā abhī āġhāz na ho
لاکھ دل مست ہو مستی کا عیاں راز نہ ہو
یہ وہ شیشہ ہے کہ ٹوٹے بھی تو آواز نہ ہو
خوف ہے موسم گل میں کہ صبا کا جھونکا
طائر ہوش کے حق میں پر پرواز نہ ہو
دل بہت بلبل شیدا کا ہے نازک گلچیں
پھول گل زار کے یوں توڑ کہ آواز نہ ہو
کیا قیامت ہے وہ دل توڑ رہے ہیں میرا
اس گماں پر کہ چھپا اس میں کوئی راز نہ ہو
آئینہ ہاتھ میں ہے حسن کا نظارہ ہے
ان سے کہہ دو مری حالت نظر انداز نہ ہو
ہو کے وہ مست مئے ناز گلے لپٹے ہیں
ہوش کمبخت کہیں تفرقہ پرداز نہ ہو
اس گرفتار کی پوچھو نہ تڑپ جس کے لیے
در قفس کا ہو کھلا طاقت پرواز نہ ہو
اہل دل کو جو لٹاتی ہے صدا نغمے کی
پردۂ ساز میں پنہاں تری آواز نہ ہو
تھام لینے دو کلیجہ مجھے ہاتھوں سے جلیلؔ
قصۂ درد جگر کا ابھی آغاز نہ ہو