क्या तर्ज़-ए-कलाम हो गई है
हर बात पयाम हो गई है
कुछ ज़हर न थी शराब-ए-अंगूर
क्या चीज़ हराम हो गई है
आगे तो नहीं नहीं सुनी थी
अब तकिया-कलाम हो गई है
जाते जाते पयाम-बर को
हर सुब्ह से शाम हो गई है
अब देखिए मश्क़-ए-पाएमाली
तारीफ़-ए-ख़िराम हो गई है
पहुँचे हैं जब उस की बज़्म में हम
मज्लिस ही तमाम हो गई है
आलम को है दावा-ए-मोहब्बत
ये ख़ास भी आम हो गई है
उस बुत के हमीं नहीं हैं बंदे
मख़्लूक़ ग़ुलाम हो गई है
बर्बाद न होगी तेरी उल्फ़त
तज्वीज़ मक़ाम हो गई है
जागीर जुनूँ की क़ैस के बा'द
अब 'दाग़' के नाम हो गई है
kyā tarz-e-kalām ho ga.ī hai
har baat payām ho ga.ī hai
kuchh zahr na thī sharāb-e-añgūr
kyā chiiz harām ho ga.ī hai
aage to nahīñ nahīñ sunī thī
ab takiya-kalām ho ga.ī hai
jaate jaate payām-bar ko
har sub.h se shaam ho ga.ī hai
ab dekhiye mashq-e-pā.emālī
tārīf-e-ḳhirām ho ga.ī hai
pahuñche haiñ jab us kī bazm meñ ham
majlis hī tamām ho ga.ī hai
aalam ko hai dāva-e-mohabbat
ye ḳhaas bhī aam ho ga.ī hai
us but ke hamīñ nahīñ haiñ bande
maḳhlūq ġhulām ho ga.ī hai
barbād na hogī terī ulfat
tajvīz maqām ho ga.ī hai
jāgīr junūñ kī qais ke ba.ad
ab 'dāġh' ke naam ho ga.ī hai
کیا طرز کلام ہو گئی ہے
ہر بات پیام ہو گئی ہے
کچھ زہر نہ تھی شراب انگور
کیا چیز حرام ہو گئی ہے
آگے تو نہیں نہیں سنی تھی
اب تکیہ کلام ہو گئی ہے
جاتے جاتے پیام بر کو
ہر صبح سے شام ہو گئی ہے
اب دیکھیے مشق پائمالی
تعریف خرام ہو گئی ہے
پہنچے ہیں جب اس کی بزم میں ہم
مجلس ہی تمام ہو گئی ہے
عالم کو ہے دعوی محبت
یہ خاص بھی عام ہو گئی ہے
اس بت کے ہمیں نہیں ہیں بندے
مخلوق غلام ہو گئی ہے
برباد نہ ہوگی تیری الفت
تجویز مقام ہو گئی ہے
جاگیر جنوں کی قیس کے بعد
اب داغؔ کے نام ہو گئی ہے