क्या क्या न रंग तेरे तलबगार ला चुके
मस्तों को जोश सूफ़ियों को हाल आ चुके
हस्ती को मिस्ल-ए-नक़्श-ए-कफ़-ए-पा मिटा चुके
आशिक़ नक़ाब-ए-शाहिद-ए-मक़्सूद उठा चुके
काबे से दैर दैर से काबे को जा चुके
क्या क्या न इस दो-राहे में हम फेर खा चुके
गुस्ताख़ हाथ तौक़े-ए-कमर यार के हुए
हद्द-ए-अदब से पाँव को आगे बढ़ा चुके
कनआँ से शहर-ए-मिस्र में यूसुफ़ को ले गए
बाज़ार में भी हुस्न को आख़िर दिखा चुके
पहुँचे तड़प तड़प के भी जल्लाद तक न हम
ताक़त से हाथ पाँव ज़ियादा हिला चुके
होती है तन में रूह पयाम-ए-अजल से शाद
दिन वादा-ए-विसाल के नज़दीक आ चुके
पैमाना मेरी उम्र का लबरेज़ हो कहीं
साक़ी मुझे भी अब तो प्याला पिला चुके
दीवाना जानते हैं तिरा होश्यार उन्हें
जामे को जिस्म के भी जो पुर्ज़े उड़ा चुके
बे-वजह हर दम आइना पेश-ए-नज़र नहीं
समझे हम आप आँखों में अपनी समा चुके
उस दिलरुबा से वस्ल हुआ दे के जान को
यूसुफ़ को मोल ले चुके क़ीमत चुका चुके
उट्ठा नक़ाब चेहरा-ए-ज़ेबा-ए-यार से
दीवार दरमियाँ जो थी हम उस को ढा चुके
ज़ेर-ए-ज़मीं भी तड़पेंगे ऐ आसमान-ए-हुस्न
बेताब तेरे गोर में भी चैन पा चुके
आराइश-ए-जमाल बला का नुज़ूल है
अंधेर कर दिया जो वो मिस्सी लगा चुके
दो अबरू और दो लब-ए-जाँ-बख़्श यार के
ज़िंदों को क़त्ल कर चुके मुर्दे जिला चुके
मजबूर कर दिया है मोहब्बत ने यार की
बाहर हम इख़्तियार से हैं अपने जा चुके
सदमों ने इश्क़-ए-हुस्न के दम कर दिया फ़ना
'आतिश' सज़ा गुनाह-ए-मोहब्बत की पा चुके
kyā kyā na rañg tere talabgār lā chuke
mastoñ ko josh sūfiyoñ ko haal aa chuke
hastī ko misl-e-naqsh-e-kaf-e-pā miTā chuke
āshiq naqāb-e-shāhid-e-maqsūd uThā chuke
kaabe se dair dair se kaabe ko jā chuke
kyā kyā na is do-rāhe meñ ham pher khā chuke
gustāḳh haath tauq-e-kamar yaar ke hue
hadd-e-adab se paañv ko aage baḌhā chuke
kan.āñ se shahr-e-misr meñ yūsuf ko le ga.e
bāzār meñ bhī husn ko āḳhir dikhā chuke
pahuñche taḌap taḌap ke bhī jallād tak na ham
tāqat se haath paañv ziyāda hilā chuke
hotī hai tan meñ ruuh payām-e-ajal se shaad
din vāda-e-visāl ke nazdīk aa chuke
paimāna merī umr kā labrez ho kahīñ
saaqī mujhe bhī ab to pyāla pilā chuke
dīvāna jānte haiñ tirā hoshyār unheñ
jaame ko jism ke bhī jo purze uḌā chuke
be-vaj.h har dam aa.ina pesh-e-nazar nahīñ
samjhe ham aap āñkhoñ meñ apnī samā chuke
us dilrubā se vasl huā de ke jaan ko
yūsuf ko mol le chuke qīmat chukā chuke
uTThā naqāb chehra-e-zebā-e-yār se
dīvār darmiyāñ jo thī ham us ko Dhā chuke
zer-e-zamīñ bhī taḌpeñge ai āsmān-e-husn
betāb tere gor meñ bhī chain pā chuke
ārā.ish-e-jamāl balā kā nuzūl hai
andher kar diyā jo vo missī lagā chuke
do abrū aur do lab-e-jāñ-baḳhsh yaar ke
zindoñ ko qatl kar chuke murde jilā chuke
majbūr kar diyā hai mohabbat ne yaar kī
bāhar ham iḳhtiyār se haiñ apne jā chuke
sadmoñ ne ishq-e-husn ke dam kar diyā fanā
'ātish' sazā gunāh-e-mohabbat kī pā chuke
کیا کیا نہ رنگ تیرے طلب گار لا چکے
مستوں کو جوش صوفیوں کو حال آ چکے
ہستی کو مثل نقش کف پا مٹا چکے
عاشق نقاب شاہد مقصود اٹھا چکے
کعبے سے دیر دیر سے کعبے کو جا چکے
کیا کیا نہ اس دوراہے میں ہم پھیر کھا چکے
گستاخ ہاتھ طوق کمر یار کے ہوئے
حد ادب سے پاؤں کو آگے بڑھا چکے
کنعاں سے شہر مصر میں یوسف کو لے گئے
بازار میں بھی حسن کو آخر دکھا چکے
پہنچے تڑپ تڑپ کے بھی جلاد تک نہ ہم
طاقت سے ہاتھ پاؤں زیادہ ہلا چکے
ہوتی ہے تن میں روح پیام اجل سے شاد
دن وعدۂ وصال کے نزدیک آ چکے
پیمانہ میری عمر کا لبریز ہو کہیں
ساقی مجھے بھی اب تو پیالہ پلا چکے
دیوانہ جانتے ہیں ترا ہوشیار انہیں
جامے کو جسم کے بھی جو پرزے اڑا چکے
بے وجہ ہر دم آئنہ پیش نظر نہیں
سمجھے ہم آپ آنکھوں میں اپنی سما چکے
اس دل ربا سے وصل ہوا دے کے جان کو
یوسف کو مول لے چکے قیمت چکا چکے
اٹھا نقاب چہرۂ زیبائے یار سے
دیوار درمیاں جو تھی ہم اس کو ڈھا چکے
زیر زمیں بھی تڑپیں گے اے آسمان حسن
بیتاب تیرے گور میں بھی چین پا چکے
آرائش جمال بلا کا نزول ہے
اندھیر کر دیا جو وہ مسی لگا چکے
دو ابرو اور دو لب جاں بخش یار کے
زندوں کو قتل کر چکے مردے جلا چکے
مجبور کر دیا ہے محبت نے یار کی
باہر ہم اختیار سے ہیں اپنے جا چکے
صدموں نے عشق حسن کے دم کر دیا فنا
آتشؔ سزا گناہ محبت کی پا چکے