क्या क्या फ़रेब दिल को दिए इज़्तिराब में
उन की तरफ़ से आप लिखे ख़त जवाब में
क्या जानें क्या सिखाएँगे उन को सलाह-कार
हर रोज़ गुफ़्तुगू है नई मेरे बाब में
पीर-ए-मुग़ाँ की दिल-शिकनी का रहा ख़याल
दाख़िल हुआ हूँ तौबा से पहले सवाब में
रखना क़दम तसव्वुर-ए-जानाँ संभाल कर
काई है जा-ब-जा मिरी चश्म-ए-पुर-आब में
ऐ शैख़ जो बताए म-ए-इश्क़ को हराम
ऐसे के दो लगाए भिगो कर शराब में
ऐ 'दाग़' कोई मुझ सा न होगा गुनाहगार
है मासियत से मेरी जहन्नम अज़ाब में
kyā kyā fareb dil ko diye iztirāb meñ
un kī taraf se aap likhe ḳhat javāb meñ
kyā jāneñ kyā sikhā.eñge un ko salāhkār
har roz guftugū hai na.ī mere baab meñ
pīr-e-muġhāñ kī dil-shikanī kā rahā ḳhayāl
dāḳhil huā huuñ tauba se pahle savāb meñ
rakhnā qadam tasavvur-e-jānāñ sambhāl kar
kaa.ī hai jā-ba-jā mirī chashm-e-pur-āb meñ
ai shaiḳh jo batā.e ma-e-ishq ko harām
aise ke do lagā.e bhigo kar sharāb meñ
ai 'dāġh' koī mujh sā na hogā gunāhgār
hai ma.asiyat se merī jahannam azaab meñ
کیا کیا فریب دل کو دیے اضطراب میں
ان کی طرف سے آپ لکھے خط جواب میں
کیا جانیں کیا سکھائیں گے ان کو صلاح کار
ہر روز گفتگو ہے نئی میرے باب میں
پیر مغاں کی دل شکنی کا رہا خیال
داخل ہوا ہوں توبہ سے پہلے ثواب میں
رکھنا قدم تصور جاناں سنبھال کر
کائی ہے جا بہ جا مری چشم پر آب میں
اے شیخ جو بتائے مئے عشق کو حرام
ایسے کے دو لگائے بھگو کر شراب میں
اے داغؔ کوئی مجھ سا نہ ہوگا گناہ گار
ہے معصیت سے میری جہنم عذاب میں