क्या ख़बर थी इश्क़ में ऐसा भी इक दौर आए है
बात कैसी साँस लेता हूँ तो जी घबराए है
रहम कर जज़्ब-ए-मोहब्बत ये सितम क्यों ढाए है
हुस्न और बेताब-ओ-हैराँ किस से देखा जाए है
यूँ तो उन की याद से मिलती है तस्कीन-ए-हयात
और जब तड़पाए है ज़ालिम बहुत तड़पाए है
ख़ुश्क आँखें मुस्कुराते होंट चेहरा मुतमइन
यूँ भी अक्सर दास्तान-ए-ग़म सुनाई जाए है
और तो क्या ज़िंदगी का होश तक छोड़ा नहीं
लूटने वाले कहीं ऐसे भी लूटा जाए है
रंग-ए-गुलशन देखने वाले कभी ये भी तो देख
नन्ही नन्ही पत्तियों में कौन रस दौड़ाए है
इश्क़ के मारे हुए दुनिया को देखें भी तो क्या
जब नज़र उठती है कोई सामने आ जाए है
हुस्न छुपता फिर रहा है मुख़्तलिफ़ पर्दों में 'कैफ़'
इश्क़ की ज़ालिम नज़र के सामने कौन आए है
kyā ḳhabar thī ishq meñ aisā bhī ik daur aa.e hai
baat kaisī saañs letā huuñ to jī ghabrā.e hai
rahm kar jazb-e-mohabbat ye sitam kyoñ Dhaa.e hai
husn aur betāb-o-hairāñ kis se dekhā jaa.e hai
yuuñ to un kī yaad se miltī hai taskīn-e-hayāt
aur jab taḌpā.e hai zālim bahut taḌpā.e hai
ḳhushk āñkheñ muskurāte hoñT chehra mutma.in
yuuñ bhī aksar dāstān-e-ġham sunā.ī jaa.e hai
aur to kyā zindagī kā hosh tak chhoḌā nahīñ
lūTne vaale kahīñ aise bhī luuTā jaa.e hai
rañg-e-gulshan dekhne vaale kabhī ye bhī to dekh
nannhī nannhī pattiyoñ meñ kaun ras dauḌāye hai
ishq ke maare hue duniyā ko dekheñ bhī to kyā
jab nazar uThtī hai koī sāmne aa jaa.e hai
husn chhuptā phir rahā hai muḳhtalif pardoñ meñ 'kaif'
ishq kī zālim nazar ke sāmne kaun aa.e hai
کیا خبر تھی عشق میں ایسا بھی اک دور آئے ہے
بات کیسی سانس لیتا ہوں تو جی گھبرائے ہے
رحم کر جذب محبت یہ ستم کیوں ڈھائے ہے
حسن اور بیتاب و حیراں کس سے دیکھا جائے ہے
یوں تو ان کی یاد سے ملتی ہے تسکین حیات
اور جب تڑپائے ہے ظالم بہت تڑپائے ہے
خشک آنکھیں مسکراتے ہونٹ چہرہ مطمئن
یوں بھی اکثر داستان غم سنائی جائے ہے
اور تو کیا زندگی کا ہوش تک چھوڑا نہیں
لوٹنے والے کہیں ایسے بھی لوٹا جائے ہے
رنگ گلشن دیکھنے والے کبھی یہ بھی تو دیکھ
ننھی ننھی پتیوں میں کون رس دوڑائے ہے
عشق کے مارے ہوئے دنیا کو دیکھیں بھی تو کیا
جب نظر اٹھتی ہے کوئی سامنے آ جائے ہے
حسن چھپتا پھر رہا ہے مختلف پردوں میں کیفؔ
عشق کی ظالم نظر کے سامنے کون آئے ہے