क्या जुर्म हमारा है बता क्यूँ नहीं देते
मुजरिम हैं अगर हम तो सज़ा क्यूँ नहीं देते
क्या जल्वा-ए-मअ'नी है दिखा क्यूँ नहीं देते
दीवार-ए-हिजाबात गिरा क्यूँ नहीं देते
तुम को तो बड़ा नाज़-ए-मसीहाई था यारो
बीमार है हर शख़्स दवा क्यूँ नहीं देते
किस दश्त में गुम हो गए अहबाब हमारे
हम कान लगाए हैं सदा क्यूँ नहीं देते
कम-ज़र्फ़ हैं जो पी के बहुत के हैं सर-ए-बज़्म
महफ़िल से उन्हें आप उठा क्यूँ नहीं देते
क्यूँ हाथ में लर्ज़ा है तुम्हें ख़ौफ़ है किस का
हम हर्फ़-ए-ग़लत हैं तो मिटा क्यूँ नहीं देते
कुछ लोग अभी इश्क़ में गुस्ताख़ बहुत हैं
आदाब-ए-वफ़ा उन को सिखा क्यूँ नहीं देते
नग़्मा वही नग़्मा है उतर जाए जो दिल में
दुनिया को 'हफ़ीज़' आप बता क्यूँ नहीं देते
kyā jurm hamārā hai batā kyuuñ nahīñ dete
mujrim haiñ agar ham to sazā kyuuñ nahīñ dete
kyā jalva-e-ma.anī hai dikhā kyuuñ nahīñ dete
dīvār-e-hijābāt girā kyuuñ nahīñ dete
tum ko to baḌā nāz-e-masīhā.ī thā yaaro
bīmār hai har shaḳhs davā kyuuñ nahīñ dete
kis dasht meñ gum ho ga.e ahbāb hamāre
ham kaan lagā.e haiñ sadā kyuuñ nahīñ dete
kam-zarf haiñ jo pī ke bahut ke haiñ sar-e-bazm
mahfil se unheñ aap uThā kyuuñ nahīñ dete
kyuuñ haath meñ larza hai tumheñ ḳhauf hai kis kā
ham harf-e-ġhalat haiñ to miTā kyuuñ nahīñ dete
kuchh log abhī ishq meñ gustāḳh bahut haiñ
ādāb-e-vafā un ko sikhā kyuuñ nahīñ dete
naġhma vahī naġhma hai utar jaa.e jo dil meñ
duniyā ko 'hafīz' aap batā kyuuñ nahīñ dete
کیا جرم ہمارا ہے بتا کیوں نہیں دیتے
مجرم ہیں اگر ہم تو سزا کیوں نہیں دیتے
کیا جلوۂ معنی ہے دکھا کیوں نہیں دیتے
دیوار حجابات گرا کیوں نہیں دیتے
تم کو تو بڑا ناز مسیحائی تھا یارو
بیمار ہے ہر شخص دوا کیوں نہیں دیتے
کس دشت میں گم ہو گئے احباب ہمارے
ہم کان لگائے ہیں صدا کیوں نہیں دیتے
کم ظرف ہیں جو پی کے بہت کے ہیں سر بزم
محفل سے انہیں آپ اٹھا کیوں نہیں دیتے
کیوں ہاتھ میں لرزہ ہے تمہیں خوف ہے کس کا
ہم حرف غلط ہیں تو مٹا کیوں نہیں دیتے
کچھ لوگ ابھی عشق میں گستاخ بہت ہیں
آداب وفا ان کو سکھا کیوں نہیں دیتے
نغمہ وہی نغمہ ہے اتر جائے جو دل میں
دنیا کو حفیظؔ آپ بتا کیوں نہیں دیتے