क्या आ के जहाँ में कर गए हम
इक दाग़ जिगर पे धर गए हम
मेहमान-ए-जहाँ थे एक शब के
शाम आए थे और सहर गए हम
जूँ शम्अ' तमाम उम्र रोए
हर बज़्म से चश्म-ए-तर गए हम
अपनी ही नज़र नहीं वगर्ना
तू ही था उधर जिधर गए हम
नाले में असर तो क्यूँ न होता
पर तेरा लिहाज़ कर गए हम
हम जानते हैं कि तू है हम में
गो ढूँडने दर-ब-दर गए हम
झगड़ा था जो दिल पे उस को छोड़ा
कुछ सोच के सुल्ह कर गए हम
इस दश्त के ख़ार-ओ-ख़स से बच कर
जों बाद-ए-सुबुक गुज़र गए हम
थीं लुत्फ़ से दिल में जुरअतें कुछ
पर तेरे ग़ज़ब से डर गए हम
हसरत ही से हम बने थे गोया
आँख उठते ही उठते मर गए हम
देरीना रफ़ीक़ था 'क़लक़' हाए
वो क्या ही मुआ कि मर गए हम
kyā aa ke jahāñ meñ kar ga.e ham
ik daaġh jigar pe dhar ga.e ham
mehmān-e-jahāñ the ek shab ke
shaam aa.e the aur sahar ga.e ham
juuñ sham.a tamām umr ro.e
har bazm se chashm-e-tar ga.e ham
apnī hī nazar nahīñ vagarna
tū hī thā udhar jidhar ga.e ham
naale meñ asar to kyuuñ na hotā
par terā lihāz kar ga.e ham
ham jānte haiñ ki tū hai ham meñ
go DhūñDne dar-ba-dar ga.e ham
jhagḌā thā jo dil pe us ko chhoḌā
kuchh soch ke sulh kar ga.e ham
is dasht ke ḳhār-o-ḳhas se bach kar
joñ bād-e-subuk guzar ga.e ham
thiiñ lutf se dil meñ jur.ateñ kuchh
par tere ġhazab se Dar ga.e ham
hasrat hī se ham bane the goyā
aañkh uThte hī uThte mar ga.e ham
derīna rafīq thā 'qalaq' haa.e
vo kyā hī muā ki mar ga.e ham
کیا آ کے جہاں میں کر گئے ہم
اک داغ جگر پہ دھر گئے ہم
مہمان جہاں تھے ایک شب کے
شام آئے تھے اور سحر گئے ہم
جوں شمع تمام عمر روئے
ہر بزم سے چشم تر گئے ہم
اپنی ہی نظر نہیں وگرنہ
تو ہی تھا ادھر جدھر گئے ہم
نالے میں اثر تو کیوں نہ ہوتا
پر تیرا لحاظ کر گئے ہم
ہم جانتے ہیں کہ تو ہے ہم میں
گو ڈھونڈنے در بہ در گئے ہم
جھگڑا تھا جو دل پہ اس کو چھوڑا
کچھ سوچ کے صلح کر گئے ہم
اس دشت کے خار و خس سے بچ کر
جوں باد سبک گزر گئے ہم
تھیں لطف سے دل میں جرأتیں کچھ
پر تیرے غضب سے ڈر گئے ہم
حسرت ہی سے ہم بنے تھے گویا
آنکھ اٹھتے ہی اٹھتے مر گئے ہم
دیرینہ رفیق تھا قلقؔ ہائے
وہ کیا ہی موا کہ مر گئے ہم