कूचा-ए-दिलबर में मैं बुलबुल चमन में मस्त है
हर कोई याँ अपने अपने पैरहन में मस्त है
नश्शा-ए-दौलत से मुनइ'म पैरहन में मस्त है
मर्द-ए-मुफ़्लिस हालत-ए-रंज-ओ-मेहन में मस्त है
दौर-ए-गर्दूं है ख़ुदावंदा कि ये दौर-ए-शराब
देखता हूँ जिस को मैं उस अंजुमन में मस्त है
आज तक देखा नहीं इन आँखों ने रू-ए-ख़ुमार
कौन मुझ सा गुम्बद-ए-चर्ख़-ए-कुहन में मस्त है
गर्दिश-ए-चश्म-ए-ग़ज़ालाँ गर्दिश-ए-साग़र है याँ
ख़ुश रहें अहल-ए-वतन दीवाना-पन में मस्त है
है जो हैरान-ए-सफाए-रुख़ हलब में आईना
बू-ए-ज़ुल्फ़-ए-यार से आहू ख़ुतन में मस्त है
ग़ाफ़िल ओ हुशियार हैं उस चश्म-ए-मय-गूँ के ख़राब
ज़िंदा ज़ेर-ए-पैरहन मुर्दा कफ़न में मस्त है
एक साग़र दो जहाँ के ग़म को करना है ग़लत
ऐ ख़ुशा-ताले जो शैख़-ओ-बरहमन में मस्त है
वहशत-ए-मजनूँ-ओ-'आतिश' में है बस इतना ही फ़र्क़
कोई बन में मस्त है कोई वतन में मस्त है
kūcha-e-dilbar meñ maiñ bulbul chaman meñ mast hai
har koī yaañ apne apne pairahan meñ mast hai
nashsha-e-daulat se mun.im pairahan meñ mast hai
mard-e-muflis hālat-e-ranj-o-mehan meñ mast hai
daur-e-gardūñ hai ḳhudāvandā ki ye daur-e-sharāb
dekhtā huuñ jis ko maiñ us anjuman meñ mast hai
aaj tak dekhā nahīñ in āñkhoñ ne rū-e-ḳhumār
kaun mujh sā gumbad-e-charḳh-e-kuhan meñ mast hai
gardish-e-chashm-e-ġhazālāñ gardish-e-sāġhar hai yaañ
ḳhush raheñ ahl-e-vatan dīvāna-pan meñ mast hai
hai jo hairān-e-safā.e-ruḳh halab meñ ā.īna
bū-e-zulf-e-yār se aahū ḳhutan meñ mast hai
ġhāfil o hushiyār haiñ us chashm-e-mai-gūñ ke ḳharāb
zinda zer-e-pairahan murda kafan meñ mast hai
ek sāġhar do jahāñ ke ġham ko karnā hai ġhalat
ai ḳhushā-tāle jo shaiḳh-o-barhaman meñ mast hai
vahshat-e-majnūñ-o-'ātish' meñ hai bas itnā hī farq
koī ban meñ mast hai koī vatan meñ mast hai
کوچۂ دلبر میں میں بلبل چمن میں مست ہے
ہر کوئی یاں اپنے اپنے پیرہن میں مست ہے
نشۂ دولت سے منعم پیرہن میں مست ہے
مرد مفلس حالت رنج و محن میں مست ہے
دور گردوں ہے خداوندا کہ یہ دور شراب
دیکھتا ہوں جس کو میں اس انجمن میں مست ہے
آج تک دیکھا نہیں ان آنکھوں نے روئے خمار
کون مجھ سا گنبد چرخ کہن میں مست ہے
گردش چشم غزالاں گردش ساغر ہے یاں
خوش رہیں اہل وطن دیوانہ پن میں مست ہے
ہے جو حیران صفائے رخ حلب میں آئینہ
بوئے زلف یار سے آہو ختن میں مست ہے
غافل و ہشیار ہیں اس چشم مے گوں کے خراب
زندہ زیر پیرہن مردہ کفن میں مست ہے
ایک ساغر دو جہاں کے غم کو کرنا ہے غلط
اے خوشا طالع جو شیخ و برہمن میں مست ہے
وحشت مجنوں و آتشؔ میں ہے بس اتنا ہی فرق
کوئی بن میں مست ہے کوئی وطن میں مست ہے