कुफ़्र से ये जो मुनव्वर मिरी पेशानी है
ज़ाहिर इस से भी मिरा जज़्बा-ए-ईमानी है
ये जो यकसूई मयस्सर है मुझे शाम ओ सहर
सर-ब-सर मेरे लिए वजह-ए-परेशानी है
इस किनारे पे फ़क़त मैं हूँ अकेला ख़ाली
नहर के दूसरी जानिब मिरी हैरानी है
ख़ाक उड़ती है तो हर-सू मिरे अंदर वर्ना
जिस तरफ़ मैं हूँ वहाँ चारों तरफ़ पानी है
जो सियह-फ़ाम है अंदर की तरफ़ से जितना
उस के चेहरे पे यहाँ उतनी ही ताबानी है
मौसमों से अभी मायूस नहीं हूँ यकसर
इक हवा है जो अभी मेरी तरफ़ आनी है
दिल में क्या सूरत-ए-हालात है खुलता नहीं कुछ
क्या कमी है यहाँ किस शय की फ़रावानी है
ये अजब तरहा का बाज़ार-ए-सुख़न है कि जहाँ
मैं ही नायाब हूँ और मेरी ही अर्ज़ानी है
आज़माइश में ही रखता हूँ सदा ख़ुद को 'ज़फ़र'
मेरी मुश्किल ही सरासर मिरी आसानी है
kufr se ye jo munavvar mirī peshānī hai
zāhir is se bhī mirā jazba-e-īmānī hai
ye jo yaksūī mayassar hai mujhe shaam o sahar
sar-ba-sar mere liye vaj.h-e-pareshānī hai
is kināre pe faqat maiñ huuñ akelā ḳhālī
nahr ke dūsrī jānib mirī hairānī hai
ḳhaak uḌtī hai to har-sū mire andar varna
jis taraf maiñ huuñ vahāñ chāroñ taraf paanī hai
jo siyah-fām hai andar kī taraf se jitnā
us ke chehre pe yahāñ utnī hī tābānī hai
mausamoñ se abhī māyūs nahīñ huuñ yaksar
ik havā hai jo abhī merī taraf aanī hai
dil meñ kyā sūrat-e-hālāt hai khultā nahīñ kuchh
kyā kamī hai yahāñ kis shai kī farāvānī hai
ye ajab tarha kā bāzār-e-suḳhan hai ki jahāñ
maiñ hī nāyāb huuñ aur merī hī arzānī hai
āzmā.ish meñ hī rakhtā huuñ sadā ḳhud ko 'zafar'
merī mushkil hī sarāsar mirī āsānī hai
کفر سے یہ جو منور مری پیشانی ہے
ظاہر اس سے بھی مرا جذبۂ ایمانی ہے
یہ جو یکسوئی میسر ہے مجھے شام و سحر
سر بسر میرے لیے وجہ پریشانی ہے
اس کنارے پہ فقط میں ہوں اکیلا خالی
نہر کے دوسری جانب مری حیرانی ہے
خاک اڑتی ہے تو ہر سو مرے اندر ورنہ
جس طرف میں ہوں وہاں چاروں طرف پانی ہے
جو سیہ فام ہے اندر کی طرف سے جتنا
اس کے چہرے پہ یہاں اتنی ہی تابانی ہے
موسموں سے ابھی مایوس نہیں ہوں یکسر
اک ہوا ہے جو ابھی میری طرف آنی ہے
دل میں کیا صورت حالات ہے کھلتا نہیں کچھ
کیا کمی ہے یہاں کس شے کی فراوانی ہے
یہ عجب طرح کا بازار سخن ہے کہ جہاں
میں ہی نایاب ہوں اور میری ہی ارزانی ہے
آزمائش میں ہی رکھتا ہوں سدا خود کو ظفرؔ
میری مشکل ہی سراسر مری آسانی ہے