कुछ ज़र्द ज़र्द पत्ते निशाँ जो ख़िज़ाँ के हैं
नैरंग-ए-दिल-फ़रेब ये सब आसमाँ के हैं
इक आग सी लगी है ज़माने में हर तरफ़
क्या जाने ज़मज़मे ये किस आतिश-ज़बाँ के हैं
हम दिल-जलों को हुज़्न-ओ-अलम से है सोज़-ओ-साज़
अंदाज़ ज़मज़मों में भी आह-ओ-फ़ुग़ाँ के हैं
ये भी तो हैं ख़राब उसी चश्म-ए-मस्त के
परहेज़-गार हज़रत-ए-वाइज़ कहाँ के हैं
उठ उठ के बैठ जाता है बाँग-ए-जरस पे दिल
देख ऐ फ़लक ये हौसले इस ना-तवाँ के हैं
गुज़रे हुए ज़माने की अब याद क्या ज़रूर
चर्चे क़फ़स-नसीबों में क्यूँ आशियाँ के हैं
kuchh zard zard patte nishāñ jo ḳhizāñ ke haiñ
nairañg-e-dil-fareb ye sab āsmāñ ke haiñ
ik aag sī lagī hai zamāne meñ har taraf
kyā jaane zamzame ye kis ātish-zabāñ ke haiñ
ham dil-jaloñ ko huzn-o-alam se hai soz-o-sāz
andāz zamzamoñ meñ bhī āh-o-fuġhāñ ke haiñ
ye bhī to haiñ ḳharāb usī chashm-e-mast ke
parhez-gār hazrat-e-vā.is kahāñ ke haiñ
uTh uTh ke baiTh jaatā hai bāñg-e-jaras pe dil
dekh ai falak ye hausle is nā-tavāñ ke haiñ
guzre hue zamāne kī ab yaad kyā zarūr
charche qafas-nasīboñ meñ kyuuñ āshiyāñ ke haiñ
کچھ زرد زرد پتے نشاں جو خزاں کے ہیں
نیرنگ دل فریب یہ سب آسماں کے ہیں
اک آگ سی لگی ہے زمانے میں ہر طرف
کیا جانے زمزمے یہ کس آتش زباں کے ہیں
ہم دل جلوں کو حزن و الم سے ہے سوز و ساز
انداز زمزموں میں بھی آہ و فغاں کے ہیں
یہ بھی تو ہیں خراب اسی چشم مست کے
پرہیزگار حضرت واعظ کہاں کے ہیں
اٹھ اٹھ کے بیٹھ جاتا ہے بانگ جرس پہ دل
دیکھ اے فلک یہ حوصلے اس ناتواں کے ہیں
گزرے ہوئے زمانے کی اب یاد کیا ضرور
چرچے قفس نصیبوں میں کیوں آشیاں کے ہیں