कुछ सबब ही न बने बात बढ़ा देने का
खेल खेला हुआ ये उस को भुला देने का
अपने ही सामने दीवार बना बैठा हूँ
है ये अंजाम उसे रस्ते से हटा देने का
यूँही चुप चाप गुज़र जाइए इन गलियों से
यहाँ कुछ और ही मतलब है सदा देने का
रास्ता रोकना मक़्सद नहीं कुछ और है ये
दरमियाँ में कोई दीवार उठा देने का
आने वालों को तरीक़ा मुझे आता है बहुत
जाने वालों के तआक़ुब में लगा देने का
एक मक़्सद तो हुआ ढूँडना उस को हर-सू
लुत्फ़ ही और है पाने से गँवा देने का
इक हुनर पास था अपने सो नहीं अब वो भी
जो दिखाई नहीं देता है दिखा देने का
सब को मालूम है और हौसला रखता हूँ अभी
अपने लिक्खे हुए को ख़ुद ही मिटा देने का
टूट पड़ती है क़यामत कोई पहले ही 'ज़फ़र'
क़स्द करता हूँ जो फ़ित्ने को जगा देने का
kuchh sabab hī na bane baat baḌhā dene kā
khel khelā huā ye us ko bhulā dene kā
apne hī sāmne dīvār banā baiThā huuñ
hai ye anjām use raste se haTā dene kā
yūñhī chup chaap guzar jā.iye in galiyoñ se
yahāñ kuchh aur hī matlab hai sadā dene kā
rāsta roknā maqsad nahīñ kuchh aur hai ye
darmiyāñ meñ koī dīvār uThā dene kā
aane vāloñ ko tarīqa mujhe aatā hai bahut
jaane vāloñ ke ta.āqub meñ lagā dene kā
ek maqsad to huā DhūñDnā us ko har-sū
lutf hī aur hai paane se gañvā dene kā
ik hunar paas thā apne so nahīñ ab vo bhī
jo dikhā.ī nahīñ detā hai dikhā dene kā
sab ko mālūm hai aur hausla rakhtā huuñ abhī
apne likkhe hue ko ḳhud hī miTā dene kā
TuuT paḌtī hai qayāmat koī pahle hī 'zafar'
qasd kartā huuñ jo fitne ko jagā dene kā
کچھ سبب ہی نہ بنے بات بڑھا دینے کا
کھیل کھیلا ہوا یہ اس کو بھلا دینے کا
اپنے ہی سامنے دیوار بنا بیٹھا ہوں
ہے یہ انجام اسے رستے سے ہٹا دینے کا
یونہی چپ چاپ گزر جائیے ان گلیوں سے
یہاں کچھ اور ہی مطلب ہے صدا دینے کا
راستہ روکنا مقصد نہیں کچھ اور ہے یہ
درمیاں میں کوئی دیوار اٹھا دینے کا
آنے والوں کو طریقہ مجھے آتا ہے بہت
جانے والوں کے تعاقب میں لگا دینے کا
ایک مقصد تو ہوا ڈھونڈنا اس کو ہر سو
لطف ہی اور ہے پانے سے گنوا دینے کا
اک ہنر پاس تھا اپنے سو نہیں اب وہ بھی
جو دکھائی نہیں دیتا ہے دکھا دینے کا
سب کو معلوم ہے اور حوصلہ رکھتا ہوں ابھی
اپنے لکھے ہوئے کو خود ہی مٹا دینے کا
ٹوٹ پڑتی ہے قیامت کوئی پہلے ہی ظفرؔ
قصد کرتا ہوں جو فتنے کو جگا دینے کا