कुछ दिनों से जो तबीअत मिरी यकसू कम है
दिल है भर-पूर मगर आँख में आँसू कम है
तुझे घेरे में लिए रखते हैं कुछ और ही लोग
यानी तेरे लिए ये हल्क़ा-ए-बाज़ू कम है
तोड़ जैसे है कोई अपने ही अंदर इस का
वर्ना ऐसा भी नहीं है तिरा जादू कम है
मैं इन आफ़ात-ए-समावी पे करूँ क्यूँ तकिया
क्या मिरी सारी तबाही के लिए तू कम है
रंग-ए-मौसम ही मोहब्बत का दिया जिस ने बिगाड़
शहर भर के लिए क्या एक ही बद-ख़ू कम है
पेड़ की छाँव पे करती है क़नाअत क्यूँ ख़ल्क़
और क्यूँ सब के लिए साया-ए-गेसू कम है
ज़िंदगी है वही सद-रंग मिरे चारों तरफ़
कुछ दिनों से मगर इस का कोई पहलू कम है
वो भी जाने से हवा फिरता है बाहर और कुछ
दिल पे अपना भी कई रोज़ से क़ाबू कम है
शाइरी छोड़ भी सकता नहीं मैं वर्ना 'ज़फ़र'
जानता हूँ इस अंधेरे में ये जुगनू कम है
kuchh dinoñ se jo tabī.at mirī yaksū kam hai
dil hai bhar-pūr magar aañkh meñ aañsū kam hai
tujhe ghere meñ liye rakhte haiñ kuchh aur hī log
yaanī tere liye ye halqa-e-bāzū kam hai
toḌ jaise hai koī apne hī andar is kā
varna aisā bhī nahīñ hai tirā jaadū kam hai
maiñ in āfāt-e-samāvī pe karūñ kyuuñ takiya
kyā mirī saarī tabāhī ke liye tū kam hai
rañg-e-mausam hī mohabbat kā diyā jis ne bigāḌ
shahr bhar ke liye kyā ek hī bad-ḳhū kam hai
peḌ kī chhāñv pe kartī hai qanā.at kyuuñ ḳhalq
aur kyuuñ sab ke liye sāya-e-gesū kam hai
zindagī hai vahī sad-rañg mire chāroñ taraf
kuchh dinoñ se magar is kā koī pahlū kam hai
vo bhī jaane se havā phirtā hai bāhar aur kuchh
dil pe apnā bhī ka.ī roz se qaabū kam hai
shā.irī chhoḌ bhī saktā nahīñ maiñ varna 'zafar'
jāntā huuñ is añdhere meñ ye jugnū kam hai
کچھ دنوں سے جو طبیعت مری یکسو کم ہے
دل ہے بھر پور مگر آنکھ میں آنسو کم ہے
تجھے گھیرے میں لیے رکھتے ہیں کچھ اور ہی لوگ
یعنی تیرے لیے یہ حلقۂ بازو کم ہے
توڑ جیسے ہے کوئی اپنے ہی اندر اس کا
ورنہ ایسا بھی نہیں ہے ترا جادو کم ہے
میں ان آفات سماوی پہ کروں کیوں تکیہ
کیا مری ساری تباہی کے لیے تو کم ہے
رنگ موسم ہی محبت کا دیا جس نے بگاڑ
شہر بھر کے لیے کیا ایک ہی بد خو کم ہے
پیڑ کی چھانو پہ کرتی ہے قناعت کیوں خلق
اور کیوں سب کے لیے سایۂ گیسو کم ہے
زندگی ہے وہی صد رنگ مرے چاروں طرف
کچھ دنوں سے مگر اس کا کوئی پہلو کم ہے
وہ بھی جانے سے ہوا پھرتا ہے باہر اور کچھ
دل پہ اپنا بھی کئی روز سے قابو کم ہے
شاعری چھوڑ بھی سکتا نہیں میں ورنہ ظفرؔ
جانتا ہوں اس اندھیرے میں یہ جگنو کم ہے