कोई सूरत निकलती क्यों नहीं है
यहाँ हालत बदलती क्यों नहीं है
हमारा इम्तिहाँ है और कितना
घड़ी सर से ये टलती क्यों नहीं है
ये बुझता क्यों नहीं है उन का सूरज
हमारी शम' जलती क्यों नहीं है
हवा रहती है क्यों अपने मुख़ालिफ़
हमारे साथ चलती क्यों नहीं है
अगर हम झेल ही बैठे हैं इस को
तो फिर ये रात ढलती क्यों नहीं है
कोई शय वाक़'ई मौजूद है तो
मिरी तह से उछलती क्यों नहीं है
मोहब्बत सर को चढ़ जाती है अक्सर
मिरे दिल में मचलती क्यों नहीं है
'ज़फ़र' जब फूलती भी है ज़ियादा
तो अपनी शाख़ फलती क्यों नहीं है
koī sūrat nikaltī kyoñ nahīñ hai
yahāñ hālat badaltī kyoñ nahīñ hai
hamārā imtihāñ hai aur kitnā
ghaḌī sar se ye Taltī kyoñ nahīñ hai
ye bujhtā kyoñ nahīñ hai un kā sūraj
hamārī sham' jaltī kyoñ nahīñ hai
havā rahtī hai kyoñ apne muḳhālif
hamāre saath chaltī kyoñ nahīñ hai
agar ham jhel hī baiThe haiñ is ko
to phir ye raat Dhaltī kyoñ nahīñ hai
koī shai vāqa'ī maujūd hai to
mirī tah se uchhaltī kyoñ nahīñ hai
mohabbat sar ko chaḌh jaatī hai aksar
mire dil meñ machaltī kyoñ nahīñ hai
'zafar' jab phūltī bhī hai ziyāda
to apnī shāḳh phaltī kyoñ nahīñ hai
کوئی صورت نکلتی کیوں نہیں ہے
یہاں حالت بدلتی کیوں نہیں ہے
ہمارا امتحاں ہے اور کتنا
گھڑی سر سے یہ ٹلتی کیوں نہیں ہے
یہ بجھتا کیوں نہیں ہے ان کا سورج
ہماری شمع جلتی کیوں نہیں ہے
ہوا رہتی ہے کیوں اپنے مخالف
ہمارے ساتھ چلتی کیوں نہیں ہے
اگر ہم جھیل ہی بیٹھے ہیں اس کو
تو پھر یہ رات ڈھلتی کیوں نہیں ہے
کوئی شئے واقعی موجود ہے تو
مری تہ سے اچھلتی کیوں نہیں ہے
محبت سر کو چڑھ جاتی ہے اکثر
مرے دل میں مچلتی کیوں نہیں ہے
ظفرؔ جب پھولتی بھی ہے زیادہ
تو اپنی شاخ پھلتی کیوں نہیں ہے