कोई जाने तो क्या जाने वो यकता है हज़ारों में
सितम-गारों में अय्यारों में दिल-दारों में यारों में
किसी का दिल तो क्या शीशा न टूटा बादा-ख़्वारों में
ये तौबा टूट कर क्यों जा मिली परहेज़-गारों में
कहाँ है दुख़्त-ए-रज़ ऐ मोहतसिब हम बादा-ख़्वारों में
तिरे डर से वो काफ़िर जा छुपी परहेज़-गारों में
कोई ग़ुंचा-दहन हँस कर हमें अब क्या हँसाएगा
बहारें हम ने लूटी हैं बहुत अगली बहारों में
इन्हीं लोगों के आने से तो मयख़ाने की 'अज़्मत है
क़दम लो शैख़ के तशरीफ़ लाए बादा-ख़्वारों में
वो कतरा कर चले हैं मय-कदे से हज़रत-ए-ज़ाहिद
बड़े मुर्शिद हैं हाथों हाथ लाना उन को यारों में
पड़ा रोया करे वो 'दाग़' बेकस इस तरह तन्हा
कि जिस की रात-दिन हँस-बोल कर गुज़री हो यारों में
koī jaane to kyā jaane vo yaktā hai hazāroñ meñ
sitam-gāroñ meñ ayyāroñ meñ dil-dāroñ meñ yāroñ meñ
kisī kā dil to kyā shīsha na TuuTā bāda-ḳhvāroñ meñ
ye tauba TuuT kar kyoñ jā milī parhezgāroñ meñ
kahāñ hai duḳht-e-raz ai mohtasib ham bāda-ḳhvāroñ meñ
tire Dar se vo kāfir jā chhupī parhezgāroñ meñ
koī ġhuncha-dahan hañs kar hameñ ab kyā hañsā.egā
bahāreñ ham ne luuTī haiñ bahut aglī bahāroñ meñ
inhīñ logoñ ke aane se to maiḳhāne kī 'azmat hai
qadam lo shaiḳh ke tashrīf laa.e bāda-ḳhvāroñ meñ
vo katrā kar chale haiñ mai-kade se hazrat-e-zāhid
baḌe murshid haiñ hāthoñ haath laanā un ko yāroñ meñ
paḌā royā kare vo 'dāġh' bekas is tarah tanhā
ki jis kī rāt-din hañs-bol kar guzrī ho yāroñ meñ
کوئی جانے تو کیا جانے وہ یکتا ہے ہزاروں میں
ستم گاروں میں عیاروں میں دل داروں میں یاروں میں
کسی کا دل تو کیا شیشہ نہ ٹوٹا بادہ خواروں میں
یہ توبہ ٹوٹ کر کیوں جا ملی پرہیزگاروں میں
کہاں ہے دخت رز اے محتسب ہم بادہ خواروں میں
ترے ڈر سے وہ کافر جا چھپی پرہیزگاروں میں
کوئی غنچہ دہن ہنس کر ہمیں اب کیا ہنسائے گا
بہاریں ہم نے لوٹی ہیں بہت اگلی بہاروں میں
انہیں لوگوں کے آنے سے تو میخانے کی عظمت ہے
قدم لو شیخ کے تشریف لائے بادہ خواروں میں
وہ کترا کر چلے ہیں میکدے سے حضرت زاہد
بڑے مرشد ہیں ہاتھوں ہاتھ لانا ان کو یاروں میں
پڑا رویا کرے وہ داغؔ بیکس اس طرح تنہا
کہ جس کی رات دن ہنس بول کر گزری ہو یاروں میں