कोई अच्छा नहीं होता है बरी चालों से
लब-ए-बाम आ के खड़े हो न खुले बालों से
रोज़-ओ-शब किस लिए रहता हूँ इलाही बेताब
न तो गोरों से मोहब्बत न मुझे कालों से
जोश-ए-वहशत में जो जंगल की तरफ़ जा निकला
तप चढ़ी शेर-ए-नियस्ताँ को मिरे नालों से
कोई कुछ इश्क़ का करता है बयाँ कोई कुछ
तंग आया हूँ मैं इस क़ज़िया के दल्लालों से
बेशतर सुब्ह-ए-शब-ए-वस्ल से हम गुज़़रेंगे
ज़ोर-ए-अदबार चलेगा न ख़ुश-इक़बालों से
मस्त हाथी है तिरी चश्म-ए-सियह मस्त ऐ यार
सफ़-ए-मिज़्गाँ उसे घेरे हुए है भालों से
रू-ए-ख़ूबाँ से मिलेगा हमें बोसा कि नहीं
हाल इन शक्लों का कुछ पूछिए रम्मालों से
आरज़ी हुस्न से नफ़रत ये हुई है दिल को
रुत्बा ज़ुल्फ़ों को नहीं मकड़ियों के जालों से
ख़त-ए-शब-गूँ ने निकल कर अबस अंधेर किया
काफ़िरिस्ताँ तो वो रुख़ आगे ही था ख़ालों से
दो जहाँ हश्र के दिन होवेंगे बाहम मौजूद
मुत्तफ़िक़ होंगे इधर वाले उधर वालों से
दिल हसीनों के तसव्वुर से बनाया ख़ाली
आईना-ख़ानों में कसरत रही तिमसालों से
कुछ तो हल्का करें ख़ार-ए-रह सहरा-ए-जुनूँ
बोझ लंगर का हुए हैं कफ़-ए-पा छालों से
इन के बोसों की तमन्ना है लबों को 'आतिश'
आइना कस्ब-ए-सफ़ा करते हैं जिन गालों से
koī achchhā nahīñ hotā hai barī chāloñ se
lab-e-bām aa ke khaḌe ho na khule bāloñ se
roz-o-shab kis liye rahtā huuñ ilāhī betāb
na to goroñ se mohabbat na mujhe kāloñ se
josh-e-vahshat meñ jo jañgal kī taraf jā niklā
tap chaḌhī sher-e-niyastāñ ko mire nāloñ se
koī kuchh ishq kā kartā hai bayāñ koī kuchh
tañg aayā huuñ maiñ is qaziya ke dallāloñ se
beshtar sub.h-e-shab-e-vasl se ham guzreñge
zor-e-adbār chalegā na ḳhush-iqbāloñ se
mast hāthī hai tirī chashm-e-siyah mast ai yaar
saf-e-mizhgāñ use ghere hue hai bhāloñ se
rū-e-ḳhūbāñ se milegā hameñ bosa ki nahīñ
haal in shakloñ kā kuchh pūchhiye rammāloñ se
aarzī husn se nafrat ye huī hai dil ko
rutba zulfoñ ko nahīñ makḌiyoñ ke jāloñ se
ḳhat-e-shab-gūñ ne nikal kar abas andher kiyā
kāfiristāñ to vo ruḳh aage hī thā ḳhāloñ se
do jahāñ hashr ke din hoveñge bāham maujūd
muttafiq hoñge idhar vaale udhar vāloñ se
dil hasīnoñ ke tasavvur se banāyā ḳhālī
ā.īna-ḳhānoñ meñ kasrat rahī timsāloñ se
kuchh to halkā kareñ ḳhār-e-rah sahrā-e-junūñ
bojh lañgar kā hue haiñ kaf-e-pā chhāloñ se
in ke bosoñ kī tamannā hai laboñ ko 'ātish'
aa.ina kasb-e-safā karte haiñ jin gāloñ se
کوئی اچھا نہیں ہوتا ہے بری چالوں سے
لب بام آ کے کھڑے ہو نہ کھلے بالوں سے
روز و شب کس لیے رہتا ہوں الٰہی بیتاب
نہ تو گوروں سے محبت نہ مجھے کالوں سے
جوش وحشت میں جو جنگل کی طرف جا نکلا
تپ چڑھی شیر نیستاں کو مرے نالوں سے
کوئی کچھ عشق کا کرتا ہے بیاں کوئی کچھ
تنگ آیا ہوں میں اس قضیہ کے دلالوں سے
بیشتر صبح شب وصل سے ہم گزریں گے
زور ادبار چلے گا نہ خوش اقبالوں سے
مست ہاتھی ہے تری چشم سیہ مست اے یار
صف مژگاں اسے گھیرے ہوے ہے بھالوں سے
روئے خوباں سے ملے گا ہمیں بوسہ کہ نہیں
حال ان شکلوں کا کچھ پوچھیے رمالوں سے
عارضی حسن سے نفرت یہ ہوئی ہے دل کو
رتبہ زلفوں کو نہیں مکڑیوں کے جالوں سے
خط شب گوں نے نکل کر عبث اندھیر کیا
کافرستاں تو وہ رخ آگے ہی تھا خالوں سے
دو جہاں حشر کے دن ہوویں گے باہم موجود
متفق ہوں گے اِدھر والے اُدھر والوں سے
دل حسینوں کے تصور سے بنایا خالی
آئینہ خانوں میں کثرت رہی تمثالوں سے
کچھ تو ہلکا کریں خار رہ صحرائے جنوں
بوجھ لنگر کا ہوئے ہیں کف پا چھالوں سے
ان کے بوسوں کی تمنا ہے لبوں کو آتشؔ
آئنہ کسب صفا کرتے ہیں جن گالوں سے