किया है दीं-दार उस सनम को हज़ारों तूफ़ाँ उठा-उठा कर
लगाईं वो तोहमतें कि बोला ख़ुदा-ख़ुदा कर ख़ुदा-ख़ुदा कर
तिरी मोहब्बत ने मार डाला हज़ार ईज़ा से मुझ को ज़ालिम
रुला-रुला कर घुला-घुला कर जला-जला कर मिटा-मिटा कर
शराब-ख़ाना है ये तो ज़ाहिद तिलिस्म-ख़ाना नहीं जो टूटे
कि तौबा करते गई है तौबा अभी यहाँ से शिकस्त पा कर
निगह को बेबाकियाँ सिखाओ हिजाब-ए-शर्म-ओ-हया उठाओ
भुला के मारा तो ख़ाक मारा लगाओ चोटें जता-जता कर
न हर बशर का जमाल ऐसा न हर फ़रिश्ते का हाल ऐसा
कुछ और से और हो गया तू मिरी नज़र में समा-समा कर
इलाही क़ासिद की ख़ैर गुज़रे कि आज कूचे से फ़ित्ना-गर के
सबा निकलती है लड़खड़ा कर नसीम चलती है थरथरा कर
जनाब-ए-सुल्तान-ए-इश्क़ वो है करे जो ऐ 'दाग़' इक इशारा
फ़रिश्ते हाज़िर हों दस्त-बस्ता अदब से गर्दन झुका झुका कर
kiyā hai dīñ-dār us sanam ko hazāroñ tūfāñ uThā-uThā kar
lagā.īñ vo tohmateñ ki bolā ḳhudā-ḳhudā kar ḳhudā-ḳhudā kar
tirī mohabbat ne maar Daalā hazār iizā se mujh ko zālim
rulā-rulā kar ghulā-ghulā kar jalā-jalā kar miTā-miTā kar
sharāb-ḳhāna hai ye to zāhid tilism-ḳhāna nahīñ jo TuuTe
ki tauba karte ga.ī hai tauba abhī yahāñ se shikast pā kar
nigah ko bebākiyāñ sikhāo hijāb-e-sharm-o-hayā uThāo
bhulā ke maarā to ḳhaak maarā lagāo choTeñ jatā-jatā kar
na har bashar kā jamāl aisā na har farishte kā haal aisā
kuchh aur se aur ho gayā tū mirī nazar meñ samā-samā kar
ilāhī qāsid kī ḳhair guzre ki aaj kūche se fitna-gar ke
sabā nikaltī hai laḌkhaḌā kar nasīm chaltī hai thartharā kar
janāb-e-sultān-e-ishq vo hai kare jo ai 'dāġh' ik ishāra
farishte hāzir hoñ dast-basta adab se gardan jhukā jhukā kar
کیا ہے دیں دار اس صنم کو ہزاروں طوفاں اٹھا اٹھا کر
لگائیں وہ تہمتیں کہ بولا خدا خدا کر خدا خدا کر
تری محبت نے مار ڈالا ہزار ایذا سے مجھ کو ظالم
رلا رلا کر گھلا گھلا کر جلا جلا کر مٹا مٹا کر
شراب خانہ ہے یہ تو زاہد طلسم خانہ نہیں جو ٹوٹے
کہ توبہ کرتے گئی ہے توبہ ابھی یہاں سے شکست پا کر
نگہ کو بیباکیاں سکھاؤ حجاب شرم و حیا اٹھاؤ
بھلا کے مارا تو خاک مارا لگاؤ چوٹیں جتا جتا کر
نہ ہر بشر کا جمال ایسا نہ ہر فرشتے کا حال ایسا
کچھ اور سے اور ہو گیا تو مری نظر میں سما سما کر
الٰہی قاصد کی خیر گزرے کہ آج کوچہ سے فتنہ گر کے
صبا نکلتی ہے لڑکھڑا کر نسیم چلتی ہے تھرتھرا کر
جناب سلطان عشق وہ ہے کرے جو اے داغؔ اک اشارہ
فرشتے حاضر ہوں دست بستہ ادب سے گردن جھکا جھکا کر