किसी ने अभी मुझ को माना नहीं
मिरा साथ देता ज़माना नहीं
किसी रोज़ चमकेंगे जौहर मिरे
अभी मुझ को दुनिया ने जाना नहीं
मिरी शायरी है तक़ाज़ा-ए-ज़ौक़
मुझे ज़ोर-ए-फ़न आज़माना नहीं
मुझे ख़ल्क़ के दिल में करना है घर
फ़क़त रंग अपना जमाना नहीं
जो कहता हूँ मैं दिल की है वारदात
ये कुछ शायरी या फ़साना नहीं
ज़माना हुआ मुझ को जीते हुए
सबब मैं ने जीने का जाना नहीं
सुझाया तो मैं ने बहुत नेक-ओ-बद
ये दिल मेरा कम्बख़्त माना नहीं
मिरे दिल ने खाई हैं चोटें बहुत
तुम अब और इस को दुखाना नहीं
नहीं है वो दिल है कोई और शय
अगर तीर-ए-ग़म का निशाना नहीं
मैं हँसता रहा ज़िंदगी-भर 'जलील'
किसी ने मिरा दर्द जाना नहीं
kisī ne abhī mujh ko maanā nahīñ
mirā saath detā zamāna nahīñ
kisī roz chamkeñge jauhar mire
abhī mujh ko duniyā ne jaanā nahīñ
mirī shā.erī hai taqāzā-e-zauq
mujhe zor-e-fan āzmānā nahīñ
mujhe ḳhalq ke dil meñ karnā hai ghar
faqat rang apnā jamānā nahīñ
jo kahtā huuñ maiñ dil kī hai vārdāt
ye kuchh shā.erī yā fasānā nahīñ
zamāna huā mujh ko jiite hue
sabab maiñ ne jiine kā jaanā nahīñ
sujhāyā to maiñ ne bahut nek-o-bad
ye dil merā kambaḳht maanā nahīñ
mire dil ne khaa.ī haiñ choTeñ bahut
tum ab aur is ko dukhānā nahīñ
nahīñ hai vo dil hai koī aur shai
agar tīr-e-ġham kā nishānā nahīñ
maiñ hañstā rahā zindagī-bhar 'jalīl'
kisī ne mirā dard jaanā nahīñ
کسی نے ابھی مجھ کو مانا نہیں
مرا ساتھ دیتا زمانہ نہیں
کسی روز چمکیں گے جوہر مرے
ابھی مجھ کو دنیا نے جانا نہیں
مری شاعری ہے تقاضائے ذوق
مجھے زور فن آزمانا نہیں
مجھے خلق کے دل میں کرنا ہے گھر
فقط رنگ اپنا جمانا نہیں
جو کہتا ہوں میں دل کی ہے واردات
یہ کچھ شاعری یا فسانا نہیں
زمانہ ہوا مجھ کو جیتے ہوئے
سبب میں نے جینے کا جانا نہیں
سجھایا تو میں نے بہت نیک و بد
یہ دل میرا کمبخت مانا نہیں
مرے دل نے کھائی ہیں چوٹیں بہت
تم اب اور اس کو دکھانا نہیں
نہیں ہے وہ دل ہے کوئی اور شے
اگر تیر غم کا نشانا نہیں
میں ہنستا رہا زندگی بھر جلیلؔ
کسی نے مرا درد جانا نہیں