किसी की नर्गिस-ए-मख़मूर कुछ कह दे इशारों में
मज़ा है रात दिन चलती रहे परहेज़-गारों में
जुनूँ में देखिए मैदान किस के हाथ रहता है
पड़ी है आबलों में फूट और एका है ख़ारों में
वो शर्माई हुई आँखें वो घबराई हुई बातें
निकल कर घर से वो घिरना तिरा उम्मीदवारों में
पलक उठती नहीं मेरी तरफ़ क्या थक गईं आँखें
अभी तो हो रही थीं ग़ैर से बातें इशारों में
कोई जन्नत का ख़्वाहाँ है कोई कौसर का तालिब है
उड़ा करती है बे-पर की हमेशा बादा-ख़्वारों में
जलाना 'दाग़' का अच्छा नहीं ये दम ग़नीमत है
कि ऐसा बा-वफ़ा इक-आध निकलेगा हज़ारों में
kisī kī nargis-e-maḳhmūr kuchh kah de ishāroñ meñ
maza hai raat din chaltī rahe parhezgāroñ meñ
junūñ meñ dekhiye maidān kis ke haath rahtā hai
paḌī hai ābloñ meñ phuuT aur ekā hai ḳhāroñ meñ
vo sharmā.ī huī āñkheñ vo ghabrā.ī huī bāteñ
nikal kar ghar se vo ghirnā tirā ummīdvāroñ meñ
palak uThtī nahīñ merī taraf kyā thak ga.iiñ āñkheñ
abhī to ho rahī thiiñ ġhair se bāteñ ishāroñ meñ
koī jannat kā ḳhvāhāñ hai koī kausar kā tālib hai
uḌā kartī hai be-par kī hamesha bāda-ḳhvāroñ meñ
jalānā 'dāġh' kā achchhā nahīñ ye dam ġhanīmat hai
ki aisā bā-vafā ik-ādh niklegā hazāroñ meñ
کسی کی نرگس مخمور کچھ کہہ دے اشاروں میں
مزہ ہے رات دن چلتی رہے پرہیزگاروں میں
جنوں میں دیکھیے میدان کس کے ہاتھ رہتا ہے
پڑی ہے آبلوں میں پھوٹ اور ایکا ہے خاروں میں
وہ شرمائی ہوئی آنکھیں وہ گھبرائی ہوئی باتیں
نکل کر گھر سے وہ گھرنا ترا امیدواروں میں
پلک اٹھتی نہیں میری طرف کیا تھک گئیں آنکھیں
ابھی تو ہو رہی تھیں غیر سے باتیں اشاروں میں
کوئی جنت کا خواہاں ہے کوئی کوثر کا طالب ہے
اڑا کرتی ہے بے پر کی ہمیشہ بادہ خواروں میں
جلانا داغؔ کا اچھا نہیں یہ دم غنیمت ہے
کہ ایسا با وفا اک آدھ نکلے گا ہزاروں میں