किस क़दर था गर्म नाला बुलबुल-ए-नाशाद का
आग फूलों में लगी घर जल गया सय्याद का
सहल समझा था सताना बुलबुल-ए-नाशाद का
चार नालों में कलेजा हिल गया सय्याद का
ज़ेर-ए-ख़ंजर मैं तड़पता हूँ फ़क़त इस वास्ते
ख़ून मेरा उड़ के दामन-गीर हो जल्लाद का
दर-पए-आज़ार पहले आसमाँ इतना न था
पा गया है कुछ इशारा उस सितम-ईजाद का
अब तो वो भी लोट है बुलबुल तिरी आवाज़ पर
बारकल्लाह ख़ूब फाँसा तू ने दिल सय्याद का
उस के सदक़े जाइए जिस ने तुझे पैदा किया
शक्ल दी हूर-ओ-परी की दिल दिया जल्लाद का
वस्ल में कैसा अदब ऐ जान गुस्ताख़ी मुआफ़
आज लेना है मुझे तुम से एवज़ बेदाद का
आप भी ख़ंजर-ब-कफ़ हैं मैं भी हूँ सीना-सिपर
रह न जाए आज कोई हौसला बेदाद का
मुझ को है ऐसा चमन दरकार जिस में ऐ 'जलील'
ख़ौफ़ गुलचीं का न हो खटका न हो सय्याद का
kis qadar thā garm naala bulbul-e-nāshād kā
aag phūloñ meñ lagī ghar jal gayā sayyād kā
sahl samjhā thā satānā bulbul-e-nāshād kā
chaar nāloñ meñ kalejā hil gayā sayyād kā
zer-e-ḳhanjar maiñ taḌaptā huuñ faqat is vāste
ḳhuun merā uḌ ke dāman-gīr ho jallād kā
dar-pa.e-āzār pahle āsmāñ itnā na thā
pā gayā hai kuchh ishāra us sitam-ījād kā
ab to vo bhī loT hai bulbul tirī āvāz par
bārak-allāh ḳhuub phāñsā tū ne dil sayyād kā
us ke sadqe jā.iye jis ne tujhe paidā kiyā
shakl dī hūr-o-parī kī dil diyā jallād kā
vasl meñ kaisā adab ai jaan gustāḳhī muaaf
aaj lenā hai mujhe tum se evaz bedād kā
aap bhī ḳhanjar-ba-kaf haiñ maiñ bhī huuñ sīna-sipar
rah na jaa.e aaj koī hausla bedād kā
mujh ko hai aisā chaman darkār jis meñ ai 'jalīl'
ḳhauf gulchīñ kā na ho khaTkā na ho sayyād kā
کس قدر تھا گرم نالہ بلبل ناشاد کا
آگ پھولوں میں لگی گھر جل گیا صیاد کا
سہل سمجھا تھا ستانا بلبل ناشاد کا
چار نالوں میں کلیجا ہل گیا صیاد کا
زیر خنجر میں تڑپتا ہوں فقط اس واسطے
خون میرا اڑ کے دامن گیر ہو جلاد کا
درپئے آزار پہلے آسماں اتنا نہ تھا
پا گیا ہے کچھ اشارہ اس ستم ایجاد کا
اب تو وہ بھی لوٹ ہے بلبل تری آواز پر
بارک اللہ خوب پھانسا تو نے دل صیاد کا
اس کے صدقے جائیے جس نے تجھے پیدا کیا
شکل دی حور و پری کی دل دیا جلاد کا
وصل میں کیسا ادب اے جان گستاخی معاف
آج لینا ہے مجھے تم سے عوض بیداد کا
آپ بھی خنجر بکف ہیں میں بھی ہوں سینہ سپر
رہ نہ جائے آج کوئی حوصلہ بیداد کا
مجھ کو ہے ایسا چمن درکار جس میں اے جلیلؔ
خوف گلچیں کا نہ ہو کھٹکا نہ ہو صیاد کا