किस को ख़बर थी वो भी मिरा यार होएगा
और तुर्त साथ सोने को तय्यार होएगा
कुछ होने और कुछ भी न होने के दरमियाँ
इक़रार होएगा कभी इंकार होएगा
खोला जो उस ने राज़ हमारा तो बेश-ओ-कम
पोशीदा इस में भी कोई असरार होएगा
गुमनाम जो भी रहता है इज़्ज़त उसी की है
मशहूर होएगा तो बहुत ख़्वार होएगा
जो कुछ समझ में आएगा रुक जाएगा वहीं
जो फ़हम से वरा है वो इज़हार होएगा
बाहर से जितनी होएगी ता'मीर सर-बुलंद
अंदर उसी हिसाब से मिस्मार होएगा
रहने का हक़ उसी को अता होगा शहर में
अब शहर-यार का जो तरफ़-दार होएगा
जो छुप-छुपा के होता रहा सब से आज तक
अब होएगा तो बरसर-ए-बाज़ार होएगा
अच्छा नहीं है बोसा-ए-चश्म उस का ऐ 'ज़फ़र'
तू रफ़्ता-रफ़्ता आप ही बीमार होएगा
kis ko ḳhabar thī vo bhī mirā yaar ho.egā
aur turt saath sone ko tayyār ho.egā
kuchh hone aur kuchh bhī na hone ke darmiyāñ
iqrār ho.egā kabhī inkār ho.egā
kholā jo us ne raaz hamārā to besh-o-kam
poshīda is meñ bhī koī asrār ho.egā
gumnām jo bhī rahtā hai izzat usī kī hai
mash.hūr ho.egā to bahut ḳhvār ho.egā
jo kuchh samajh meñ aa.egā ruk jā.egā vahīñ
jo fahm se varā hai vo iz.hār ho.egā
bāhar se jitnī ho.egī ta.amīr sar-buland
andar usī hisāb se mismār ho.egā
rahne kā haq usī ko atā hogā shahr meñ
ab shahr-yār kā jo taraf-dār ho.egā
jo chhup-chhupā ke hotā rahā sab se aaj tak
ab ho.egā to barsar-e-bāzār ho.egā
achchhā nahīñ hai bosa-e-chashm us kā ai 'zafar'
tū rafta-rafta aap hī bīmār ho.egā
کس کو خبر تھی وہ بھی مرا یار ہوئے گا
اور ترت ساتھ سونے کو تیار ہوئے گا
کچھ ہونے اور کچھ بھی نہ ہونے کے درمیاں
اقرار ہوئے گا کبھی انکار ہوئے گا
کھولا جو اس نے راز ہمارا تو بیش و کم
پوشیدہ اس میں بھی کوئی اسرار ہوئے گا
گمنام جو بھی رہتا ہے عزت اسی کی ہے
مشہور ہوئے گا تو بہت خوار ہوئے گا
جو کچھ سمجھ میں آئے گا رک جائے گا وہیں
جو فہم سے ورا ہے وہ اظہار ہوئے گا
باہر سے جتنی ہوئے گی تعمیر سر بلند
اندر اسی حساب سے مسمار ہوئے گا
رہنے کا حق اسی کو عطا ہوگا شہر میں
اب شہر یار کا جو طرف دار ہوئے گا
جو چھپ چھپا کے ہوتا رہا سب سے آج تک
اب ہوئے گا تو برسر بازار ہوئے گا
اچھا نہیں ہے بوسۂ چشم اس کا اے ظفرؔ
تو رفتہ رفتہ آپ ہی بیمار ہوئے گا