किस की आवाज़ कान में आई
दूर की बात ध्यान में आई
ऐसी आज़ाद रूह इस तन में
क्यों पुराने मकान में आई
आप आते रहे बुलाते रहे
आने वाली इक आन में आई
हाए क्या क्या निगाह भटकी है
जब कभी इम्तिहान में आई
ये किनारा चला कि नाव चली
कहिए क्या बात ध्यान में आई
इल्म क्या इल्म की हक़ीक़त क्या
जैसी जिस के गुमान में आई
कौन जाने निदा-ए-हक़ क्या है
किस ख़ुदा की ज़बान में आई
ऐसी पाए ख़ता कि उफ़ न करे
ढील जिस की ज़बान में आई
हुस्न क्या ख़्वाब से हुआ बेदार
जान ताज़ा जहान में आई
आप की ये अकड़ अरे तौबा
कब किसी नौजवान में आई
जान-लेवा है ये चढ़ी तेवरी
ये कशिश किस कमान में आई
बात अधूरी मगर असर दोना
अच्छी लुक्नत ज़बान में आई
आँख नीची हुई अरे ये क्या
क्यों ग़रज़ दरमियान में आई
मैं पयम्बर नहीं 'यगाना' सही
इस से क्या कस्र शान में आई
kis kī āvāz kaan meñ aa.ī
duur kī baat dhyān meñ aa.ī
aisī āzād ruuh is tan meñ
kyoñ purāne makān meñ aa.ī
aap aate rahe bulāte rahe
aane vaalī ik aan meñ aa.ī
haa.e kyā kyā nigāh bhaTkī hai
jab kabhī imtihān meñ aa.ī
ye kināra chalā ki naav chalī
kahiye kyā baat dhyān meñ aa.ī
ilm kyā ilm kī haqīqat kyā
jaisī jis ke gumān meñ aa.ī
kaun jaane nidā-e-haq kyā hai
kis ḳhudā kī zabān meñ aa.ī
aisī paa.e ḳhatā ki uf na kare
Dhiil jis kī zabān meñ aa.ī
husn kyā ḳhvāb se huā bedār
jaan taaza jahān meñ aa.ī
aap kī ye akaḌ are tauba
kab kisī naujavān meñ aa.ī
jān-levā hai ye chaḌhī tevrī
ye kashish kis kamān meñ aa.ī
baat adhūrī magar asar donā
achchhī luknat zabān meñ aa.ī
aañkh nīchī huī are ye kyā
kyoñ ġharaz darmiyān meñ aa.ī
maiñ payambar nahīñ 'yagānā' sahī
is se kyā kasr shaan meñ aa.ī
کس کی آواز کان میں آئی
دور کی بات دھیان میں آئی
ایسی آزاد روح اس تن میں
کیوں پرانے مکان میں آئی
آپ آتے رہے بلاتے رہے
آنے والی اک آن میں آئی
ہائے کیا کیا نگاہ بھٹکی ہے
جب کبھی امتحان میں آئی
یہ کنارہ چلا کہ ناؤ چلی
کہیے کیا بات دھیان میں آئی
علم کیا علم کی حقیقت کیا
جیسی جس کے گمان میں آئی
کون جانے ندائے حق کیا ہے
کس خدا کی زبان میں آئی
ایسی پائے خطا کہ اف نہ کرے
ڈھیل جس کی زبان میں آئی
حسن کیا خواب سے ہوا بیدار
جان تازہ جہان میں آئی
آپ کی یہ اکڑ ارے توبہ
کب کسی نوجوان میں آئی
جان لیوا ہے یہ چڑھی تیوری
یہ کشش کس کمان میں آئی
بات ادھوری مگر اثر دونا
اچھی لکنت زبان میں آئی
آنکھ نیچی ہوئی ارے یہ کیا
کیوں غرض درمیان میں آئی
میں پیمبر نہیں یگانہؔ سہی
اس سے کیا کسر شان میں آئی