किस दिल से तर्क-ए-लज़्ज़त-ए-दुनिया करे कोई
वो ख़्वाब-ए-दिल-फ़रेब कि देखा करे कोई
क्या सहल है कि तर्क-ए-तमाशा करे कोई
दिल से न हो तो आँख से तौबा करे कोई
ग़ुंचे के दिल में कुछ न था इक आह के सिवा
फिर क्या शगुफ़्तगी की तमन्ना करे कोई
आँखें हों जिस के आँखों ही आँखों में ताड़ ले
दर्द अपना वो नहीं कि टटोला करे कोई
दिल मुज़्तरिब निगाह गिरफ़्तार-ए-शश-जहत
फ़रमाइए किधर का इरादा करे कोई
यादश ब-ख़ैर याद-ए-ख़ुदा आ ही जाती है
अपनी तरफ़ से लाख भुलाया करे कोई
इस की निगाह-ए-शौक़ के क़ुर्बान जाइए
तुझ ऐसे बे-निशाँ को जो पैदा करे कोई
ताअ'त हो या गुनाह पस-ए-पर्दा ख़ूब है
दोनों का जब मज़ा है कि तन्हा करे कोई
बंदे न होंगे जितने ख़ुदा हैं ख़ुदाई में
किस किस ख़ुदा के सामने सज्दा करे कोई
हुस्न-ए-'यगाना' आप ही अपना हिजाब है
हुस्न-ए-हिजाब दूर से देखा करे कोई
kis dil se tark-e-lazzat-e-duniyā kare koī
vo ḳhvāb-e-dil-fareb ki dekhā kare koī
kyā sahl hai ki tark-e-tamāshā kare koī
dil se na ho to aañkh se tauba kare koī
ġhunche ke dil meñ kuchh na thā ik aah ke sivā
phir kyā shaguftagī kī tamannā kare koī
āñkheñ hoñ jis ke āñkhoñ hī āñkhoñ meñ taaḌ le
dard apnā vo nahīñ ki TaTolā kare koī
dil muztarib nigāh giraftār-e-shash-jahat
farmā.iye kidhar kā irāda kare koī
yādash ba-ḳhair yād-e-ḳhudā aa hī jaatī hai
apnī taraf se laakh bhulāyā kare koī
is kī nigāh-e-shauq ke qurbān jā.iye
tujh aise be-nishāñ ko jo paidā kare koī
taa.at ho yā gunāh pas-e-parda ḳhuub hai
donoñ kā jab maza hai ki tanhā kare koī
bande na hoñge jitne ḳhudā haiñ ḳhudā.ī meñ
kis kis ḳhudā ke sāmne sajda kare koī
husn-e-'yagānā' aap hī apnā hijāb hai
husn-e-hijāb duur se dekhā kare koī
کس دل سے ترک لذت دنیا کرے کوئی
وہ خواب دل فریب کہ دیکھا کرے کوئی
کیا سہل ہے کہ ترک تماشا کرے کوئی
دل سے نہ ہو تو آنکھ سے توبہ کرے کوئی
غنچے کے دل میں کچھ نہ تھا اک آہ کے سوا
پھر کیا شگفتگی کی تمنا کرے کوئی
آنکھیں ہوں جس کے آنکھوں ہی آنکھوں میں تاڑ لے
درد اپنا وہ نہیں کہ ٹٹولا کرے کوئی
دل مضطرب نگاہ گرفتار شش جہت
فرمائیے کدھر کا ارادہ کرے کوئی
یادش بخیر یاد خدا آ ہی جاتی ہے
اپنی طرف سے لاکھ بھلایا کرے کوئی
اس کی نگاہ شوق کے قربان جائیے
تجھ ایسے بے نشاں کو جو پیدا کرے کوئی
طاعت ہو یا گناہ پس پردہ خوب ہے
دونوں کا جب مزہ ہے کہ تنہا کرے کوئی
بندے نہ ہوں گے جتنے خدا ہیں خدائی میں
کس کس خدا کے سامنے سجدہ کرے کوئی
حسن یگانہؔ آپ ہی اپنا حجاب ہے
حسن حجاب دور سے دیکھا کرے کوئی