किरन किरन मिरा सूरज है रौशनी के बग़ैर
यही बहुत है कि ज़िंदा हूँ ज़िंदगी के बग़ैर
धड़क रहा हूँ पड़ा अपने दिल से दूर कहीं
भटक रहा है मिरा शे'र शा'इरी के बग़ैर
मैं एक 'उम्र से रोता हूँ रंज से हट कर
कभी-कभार जो हँसता हूँ गुदगुदी के बग़ैर
जुड़ी हो जैसे हर इक दिन के साथ रात यहाँ
जहाँ-तहाँ कोई नेकी नहीं बदी के बग़ैर
सभी ने देख लिया इस दफ़'अ तो महफ़िल में
जमा नहीं कोई रंग उस की सादगी के बग़ैर
उड़ाए फिरती है क्या अपने साथ साथ मुझे
सो मैं भी रह नहीं सकता हूँ उस परी के बग़ैर
ज़ियादा फ़र्क़ नहीं नफ़रत और मोहब्बत में
न दोस्ती कोई मुमकिन है दुश्मनी के बग़ैर
ख़िलाफ़-ए-क़ा'एदा होता हूँ आज कल तो 'ज़फ़र'
कभी किसी के बग़ैर और कभी किसी के बग़ैर
kiran kiran mirā sūraj hai raushnī ke baġhair
yahī bahut hai ki zinda huuñ zindagī ke baġhair
dhaḌak rahā huuñ paḌā apne dil se duur kahīñ
bhaTak rahā hai mirā she'r shā'irī ke baġhair
maiñ ek 'umr se rotā huuñ ranj se haT kar
kabhī-kabhār jo hañstā huuñ gudgudī ke baġhair
juḌī ho jaise har ik din ke saath raat yahāñ
jahāñ-tahāñ koī nekī nahīñ badī ke baġhair
sabhī ne dekh liyā is daf'a to mahfil meñ
jamā nahīñ koī rang us kī sādgī ke baġhair
uḌaa.e phirtī hai kyā apne saath saath mujhe
so maiñ bhī rah nahīñ saktā huuñ us parī ke baġhair
ziyāda farq nahīñ nafrat aur mohabbat meñ
na dostī koī mumkin hai dushmanī ke baġhair
ḳhilāf-e-qā'eda hotā huuñ aaj kal to 'zafar'
kabhī kisī ke baġhair aur kabhī kisī ke baġhair
کرن کرن مرا سورج ہے روشنی کے بغیر
یہی بہت ہے کہ زندہ ہوں زندگی کے بغیر
دھڑک رہا ہوں پڑا اپنے دل سے دور کہیں
بھٹک رہا ہے مرا شعر شاعری کے بغیر
میں ایک عمر سے روتا ہوں رنج سے ہٹ کر
کبھی کبھار جو ہنستا ہوں گدگدی کے بغیر
جڑی ہو جیسے ہر اک دن کے ساتھ رات یہاں
جہاں تہاں کوئی نیکی نہیں بدی کے بغیر
سبھی نے دیکھ لیا اس دفعہ تو محفل میں
جما نہیں کوئی رنگ اس کی سادگی کے بغیر
اڑائے پھرتی ہے کیا اپنے ساتھ ساتھ مجھے
سو میں بھی رہ نہیں سکتا ہوں اس پری کے بغیر
زیادہ فرق نہیں نفرت اور محبت میں
نہ دوستی کوئی ممکن ہے دشمنی کے بغیر
خلاف قاعدہ ہوتا ہوں آج کل تو ظفرؔ
کبھی کسی کے بغیر اور کبھی کسی کے بغیر