ख़्वाबीदा लहू जागा फिर 'अज़्म के शानों में
फिर चढ़ने लगे नावक इन उतरी कमानों में
बनते हैं जो दीवाने बनने दो उन्हें लोगो
रोए भी तो कितने हैं ये गुज़रे ज़मानों में
मुमकिन है कि हाथ आएँ ता'बीर के कुछ सिक्के
ख़्वाबों की तिजारत कर आँखों की दुकानों में
गुलशन की कहानी के किरदार तो हम भी हैं
हो ज़िक्र हमारा भी इन ताज़ा फ़सानों में
दो इतनी बुलंदी तुम अख़्लाक़ की क़द्रों को
ज़ुन्नार भी शामिल हो तस्बीह के दानों में
किस तरह मिरे घर पर पत्थर वो उछालेंगे
रहते हों जो ख़ुद 'सुम्बुल' शीशे के मकानों में
ḳhvābīda lahū jaagā phir 'azm ke shānoñ meñ
phir chaḌhne lage nāvak in utrī kamānoñ meñ
bante haiñ jo dīvāne banñe do unheñ logo
ro.e bhī to kitne haiñ ye guzre zamānoñ meñ
mumkin hai ki haath aa.eñ tā'bīr ke kuchh sikke
ḳhvāboñ kī tijārat kar āñkhoñ kī dukānoñ meñ
gulshan kī kahānī ke kirdār to ham bhī haiñ
ho zikr hamārā bhī in taaza fasānoñ meñ
do itnī bulandī tum aḳhlāq kī qadroñ ko
zunnār bhī shāmil ho tasbīh ke dānoñ meñ
kis tarh mire ghar par patthar vo uchhāleñge
rahte hoñ jo ḳhud 'sumbul' shīshe ke makānoñ meñ
خوابیدہ لہو جاگا پھر عزم کے شانوں میں
پھر چڑھنے لگے ناوک ان اتری کمانوں میں
بنتے ہیں جو دیوانے بننے دو انہیں لوگو
روئے بھی تو کتنے ہیں یہ گزرے زمانوں میں
ممکن ہے کہ ہاتھ آئیں تعبیر کے کچھ سکے
خوابوں کی تجارت کر آنکھوں کی دکانوں میں
گلشن کی کہانی کے کردار تو ہم بھی ہیں
ہو ذکر ہمارا بھی ان تازہ فسانوں میں
دو اتنی بلندی تم اخلاق کی قدروں کو
زنار بھی شامل ہو تسبیح کے دانوں میں
کس طرح مرے گھر پر پتھر وہ اچھالیں گے
رہتے ہوں جو خود سنبلؔ شیشے کے مکانوں میں