दिल में उन की यादों के जब दिए जलाते हैं
दामन-ए-तख़य्युल पर फूल मुस्कुराते हैं
तुम शिकस्त-ए-दिल पर क्यों इस क़दर परेशाँ हो
आईनों का क्या वो तो यूँ ही टूट जाते हैं
आप से तो क़ुर्बत में फ़ासले रहे क़ाएम
लोग तो क़रीब आ कर राह भूल जाते हैं
रात यूँ गुज़रती है कश्मकश के मारों की
इक दिया जलाते हैं इक दिया बुझाते हैं
जब निगाह पड़ती है ज़िंदगी के चेहरे पर
आँखें डबडबाती हैं होंट थरथराते हैं
याद से मुज़य्यन है आज भी दिल-ए-'सुम्बुल'
लोग बीते लम्हों को किस तरह भुलाते हैं
dil meñ un kī yādoñ ke jab diye jalāte haiñ
dāman-e-taḳhayyul par phuul muskurāte haiñ
tum shikast-e-dil par kyoñ is qadar pareshāñ ho
ā.inoñ kā kyā vo to yuuñ hī TuuT jaate haiñ
aap se to qurbat meñ fāsle rahe qaa.em
log to qarīb aa kar raah bhuul jaate haiñ
raat yuuñ guzartī hai kashmakash ke māroñ kī
ik diyā jalāte haiñ ik diyā bujhāte haiñ
jab nigāh paḌtī hai zindagī ke chehre par
āñkheñ DabDabātī haiñ hoñT thartharāte haiñ
yaad se muzayyan hai aaj bhī dil-e-'sumbul'
log biite lamhoñ ko kis tarah bhulāte haiñ
دل میں ان کی یادوں کے جب دئے جلاتے ہیں
دامن تخیل پر پھول مسکراتے ہیں
تم شکست دل پر کیوں اس قدر پریشاں ہو
آئینوں کا کیا وہ تو یوں ہی ٹوٹ جاتے ہیں
آپ سے تو قربت میں فاصلے رہے قائم
لوگ تو قریب آ کر راہ بھول جاتے ہیں
رات یوں گزرتی ہے کشمکش کے ماروں کی
اک دیا جلاتے ہیں اک دیا بجھاتے ہیں
جب نگاہ پڑتی ہے زندگی کے چہرے پر
آنکھیں ڈبڈباتی ہیں ہونٹ تھرتھراتے ہیں
یاد سے مزین ہے آج بھی دل سنبلؔ
لوگ بیتے لمحوں کو کس طرح بھلاتے ہیں