ख़्वाब ऐसा हो कि चश्म-ए-ख़्वाब अश-अश कर उठे
चाँद निकले नींद का नीलाब अश-अश कर उठे
शर्त जो तुझ को लगानी है लगा ले दोस्ता
उस के जल्वे पर अगर महताब अश-अश कर उठे
पीली कुर्ती हो तिरी आँचल हो धानी रंग का
रूप तेरा देख कर पंजाब अश-अश कर उठे
दिल की बेताबी का जब मज़कूर हो ऐ हमनशीं
ख़ुद ज़बान-ए-हाल से सीमाब अश-अश कर उठे
झूम उठे दिल हुस्न-ए-फ़ितरत की नुमाइश देख कर
आदमी की चश्म-ए-हैरत-याब अश-अश कर उठे
फूल निकलें शाख़चों से छतरियाँ ताने हुए
बारिशों में क़ित'आ-ए-ख़ुश-आब अश-अश कर उठे
ज़हर में डूबी हुई वो दाद थी 'यावर-अज़ीम'
रश्क के मारे हुए अहबाब अश-अश कर उठे
ḳhvāb aisā ho ki chashm-e-ḳhvāb ash-ash kar uThe
chāñd nikle niiñd kā nīlāb ash-ash kar uThe
shart jo tujh ko lagānī hai lagā le dostā
us ke jalve par agar mahtāb ash-ash kar uThe
piilī kurtī ho tirī āñchal ho dhānī rang kā
ruup terā dekh kar panjāb ash-ash kar uThe
dil kī betābi kā jab mazkūr ho ai ham-nashīñ
ḳhud zabān-e-hāl se sīmāb ash-ash kar uThe
jhuum uThe dil husn-e-fitrat kī numā.ish dekh kar
aadmī kī chashm-e-hairat-yāb ash-ash kar uThe
phuul nikleñ shāḳhchoñ se chhatriyāñ taane hue
bārishoñ meñ qit'a-e-ḳhush-āb ash-ash kar uThe
zahr meñ Duubī huī vo daad thī 'yāvar-azīm'
rashk ke maare hue ahbāb ash-ash kar uThe
خواب ایسا ہو کہ چشم خواب اش اش کر اٹھے
چاند نکلے نیند کا نیلاب اش اش کر اٹھے
شرط جو تجھ کو لگانی ہے لگا لے دوستا
اس کے جلوے پر اگر مہتاب اش اش کر اٹھے
پیلی کرتی ہو تری آنچل ہو دھانی رنگ کا
روپ تیرا دیکھ کر پنجاب اش اش کر اٹھے
دل کی بیتابی کا جب مذکور ہو اے ہم نشیں
خود زبان حال سے سیماب اش اش کر اٹھے
جھوم اٹھے دل حسن فطرت کی نمائش دیکھ کر
آدمی کی چشم حیرت یاب اش اش کر اٹھے
پھول نکلیں شاخچوں سے چھتریاں تانے ہوئے
بارشوں میں قطعۂ خوش آب اش اش کر اٹھے
زہر میں ڈوبی ہوئی وہ داد تھی یاور عظیمؔ
رشک کے مارے ہوئے احباب اش اش کر اٹھے