ख़ुशी के दिन हों तो उजला लिबास सब पहनें
और एक हम कि वही जामा-ए-ताब पहनें
उतारें अपने बदन से अकेले-पन की धूप
किसी निगाह को ओढें किसी के लब पहनें
ब-वक़्त-ए-सुबह पहन लेंगे फिर लबादा-ए-ख़ुशक
नम-ए-विसाल ही अच्छा है शब की शब पहनें
ख़रीदा और सुलाया भी इस्त्री भी किया
मगर समझ नहीं आती वो सूट कब पहनें
अजीब इन के रवय्यों में बद-तमीज़ी है
ये अहल-ए-शहर कभी जामा-ए-अदब पहनें
पहनने की हमें आज़ादी मिल रही है मगर
समाज जिस को समझता है मा-वजब पहनें
हमारे दिल ने गवारा नहीं किया 'यावर'
हम उस के हिज्र में पैराहन-ए-तरब पहनें
ḳhushī ke din hoñ to ujlā libās sab pahneñ
aur ek ham ki vahī jāma-e-tā.ab pahneñ
utāreñ apne badan se akele-pan kī dhuup
kisī nigāh ko oḌheñ kisī ke lab pahneñ
ba-vaqt-e-subah pahan leñge phir labāda-e-ḳhushk
nam-e-visāl hī achchhā hai shab kī shab pahneñ
ḳharīdā aur sulāyā bhī istirī bhī kiyā
magar samajh nahīñ aatī vo suiT kab pahneñ
ajiib in ke ravayyoñ meñ bad-tamīzī hai
ye ahl-e-shahr kabhī jāma-e-adab pahneñ
pahanñe kī hameñ āzādī mil rahī hai magar
samāj jis ko samajhtā hai mā-vajab pahneñ
hamāre dil ne gavārā nahīñ kiyā 'yāvar'
ham us ke hijr meñ pairāhan-e-tarab pahneñ
خوشی کے دن ہوں تو اجلا لباس سب پہنیں
اور ایک ہم کہ وہی جامۂ تعب پہنیں
اتاریں اپنے بدن سے اکیلے پن کی دھوپ
کسی نگاہ کو اوڑھیں کسی کے لب پہنیں
بوقت صبح پہن لیں گے پھر لبادۂ خشک
نم وصال ہی اچھا ہے شب کی شب پہنیں
خریدا اور سلایا بھی استری بھی کیا
مگر سمجھ نہیں آتی وہ سوٹ کب پہنیں
عجیب ان کے رویوں میں بد تمیزی ہے
یہ اہل شہر کبھی جامۂ ادب پہنیں
پہننے کی ہمیں آزادی مل رہی ہے مگر
سماج جس کو سمجھتا ہے ما وجب پہنیں
ہمارے دل نے گوارا نہیں کیا یاورؔ
ہم اس کے ہجر میں پیراہن طرب پہنیں