ख़ुश बहुत फिरते हैं वो घर में तमाशा कर के
काम निकला तो है उन का मुझे रुस्वा कर के
रोक रखना था अभी और ये आवाज़ का रस
बेच लेना था ये सौदा ज़रा महँगा कर के
इस तरफ़ काम हमारा तो नहीं है कोई
आ निकलते हैं किसी शाम तुम्हारा कर के
मिट गई है कोई मुड़ती हुई सी मौज-ए-हवा
छुप गया है कोई तारा सा इशारा कर के
फ़र्क़ इतना न सही इश्क़ ओ हवस में लेकिन
मैं तो मर जाऊँ तिरा रंग भी मैला कर के
साफ़-ओ-शफ़्फ़ाफ़ थी पानी की तरह नीयत दिल
देखने वालों ने देखा इसे गदला कर के
शौक़ से कीजिए और देर न फ़रमाइएगा
कुछ अगर आप को मिल जाएगा ऐसा कर के
यूँ भी सजती है बदन पर ये मोहब्बत क्या क्या
कभी पहनूँ इसी मल्बूस को उल्टा कर के
मुझ से छुड़वाए मिरे सारे उसूल उस ने 'ज़फ़र'
कितना चालाक था मारा मुझे तन्हा कर के
ḳhush bahut phirte haiñ vo ghar meñ tamāshā kar ke
kaam niklā to hai un kā mujhe rusvā kar ke
rok rakhnā thā abhī aur ye āvāz kā ras
bech lenā thā ye saudā zarā mahñgā kar ke
is taraf kaam hamārā to nahīñ hai koī
aa nikalte haiñ kisī shaam tumhārā kar ke
miT ga.ī hai koī muḌtī huī sī mauj-e-havā
chhup gayā hai koī taarā sā ishārā kar ke
farq itnā na sahī ishq o havas meñ lekin
maiñ to mar jā.ūñ tirā rang bhī mailā kar ke
sāf-o-shaffāf thī paanī kī tarah nīyat dil
dekhne vāloñ ne dekhā ise gadlā kar ke
shauq se kījiye aur der na farmā.iyegā
kuchh agar aap ko mil jā.egā aisā kar ke
yuuñ bhī sajtī hai badan par ye mohabbat kyā kyā
kabhī pahnūñ isī malbūs ko ulTā kar ke
mujh se chhuḌvā.e mire saare usuul us ne 'zafar'
kitnā chālāk thā maarā mujhe tanhā kar ke
خوش بہت پھرتے ہیں وہ گھر میں تماشا کر کے
کام نکلا تو ہے ان کا مجھے رسوا کر کے
روک رکھنا تھا ابھی اور یہ آواز کا رس
بیچ لینا تھا یہ سودا ذرا مہنگا کر کے
اس طرف کام ہمارا تو نہیں ہے کوئی
آ نکلتے ہیں کسی شام تمہارا کر کے
مٹ گئی ہے کوئی مڑتی ہوئی سی موج ہوا
چھپ گیا ہے کوئی تارا سا اشارا کر کے
فرق اتنا نہ سہی عشق و ہوس میں لیکن
میں تو مر جاؤں ترا رنگ بھی میلا کر کے
صاف و شفاف تھی پانی کی طرح نیت دل
دیکھنے والوں نے دیکھا اسے گدلا کر کے
شوق سے کیجیے اور دیر نہ فرمائیے گا
کچھ اگر آپ کو مل جائے گا ایسا کر کے
یوں بھی سجتی ہے بدن پر یہ محبت کیا کیا
کبھی پہنوں اسی ملبوس کو الٹا کر کے
مجھ سے چھڑوائے مرے سارے اصول اس نے ظفرؔ
کتنا چالاک تھا مارا مجھے تنہا کر کے