खुलता नहीं है राज़ हमारे बयान से
लेते हैं दिल का काम हम अपनी ज़बान से
क्या लज़्ज़त-ए-विसाल अदा हो बयान से
सब हर्फ़ चिपके जाते हैं मेरी ज़बान से
मशहूर राज़-ए-इश्क़ है किस के बयान से
मेरी ज़बान से कि तुम्हारी ज़बान से
फ़ित्ना बना ज़मीन पे हर ज़र्रा ख़ाक का
निकले हैं बहर-ए-सैर वो जिस दम मकान से
उस दिन से मुझ को नींद न आई तमाम उम्र
इक शब मिली थी आँख तिरे पासबान से
ये ख़ाक में मिलाए तो वो हो सितम-शरीक
मुझ को ज़मीं से लाग उन्हें आसमान से
लेना सँभालना कि मिरे होश उड़ चले
आता है कोई मस्त क़यामत की शान से
मुझ से नज़र मिला के तुम अबरू में बल न दो
सीधा चलेगा तीर न टेढ़ी कमान से
बाज़ार-ए-इश्क़ में हैं बहुत दिल जगह जगह
देखें वो मोल लेते हैं किस की दुकान से
शोरीदा-सर वो हूँ कि उसे सर से तोड़ दूँ
गर संग-ए-हादसा भी गिरे आसमान से
अर्ज़ां करे फ़रोख़्त अगर मय-फ़रोश-ए-इश्क़
लेने लगें फ़रिश्ते भी उस की दुकान से
गुज़री है आज़माइश-ए-महर-ओ-वफ़ा में उम्र
फ़ुर्सत मुझे मिली न कभी इम्तिहान से
दिल भी बचा जिगर भी बचा ख़ैर हो गई
तीर-ए-निगाह पार हुआ दरमियान से
मैं तुम को नागवार हूँ दिल मुझ को नागवार
तुम मुझ से तंग और हूँ मैं तंग जान से
हाँ हाँ तिरा रक़ीब से बे-शक है रब्त-ज़ब्त
रुत्बा यक़ीन का है ज़ियादा गुमान से
मेहर-ओ-वफ़ा का नाम है अब बात बात पर
ये सुन लिया है आप ने किस की ज़बान से
कैसा खिला है फूल जब आया बहार पर
पूछे तो कोई लुत्फ़-ए-जवानी जवान से
दानिस्ता आते जातों से लड़ता है रात दिन
फिर हो पड़ी थी आज तिरे पासबान से
इस ख़ूब-रू को बज़्म-ए-हसीनाँ में देखिए
करता है आन-बान बड़ी आन-तान से
ऐ 'दाग़' इस की ख़ैर मनाता है आदमी
कोई अज़ीज़ बढ़ के नहीं अपनी जान से
khultā nahīñ hai raaz hamāre bayān se
lete haiñ dil kā kaam ham apnī zabān se
kyā lazzat-e-visāl adā ho bayān se
sab harf chipke jaate haiñ merī zabān se
mash.hūr rāz-e-ishq hai kis ke bayān se
merī zabān se ki tumhārī zabān se
fitna banā zamīn pe har zarra ḳhaak kā
nikle haiñ bahr-e-sair vo jis dam makān se
us din se mujh ko niiñd na aa.ī tamām umr
ik shab milī thī aañkh tire pāsbān se
ye ḳhaak meñ milā.e to vo ho sitam-sharīk
mujh ko zamīñ se laag unheñ āsmān se
lenā sambhālnā ki mire hosh uḌ chale
aatā hai koī mast qayāmat kī shaan se
mujh se nazar milā ke tum abrū meñ bal na do
sīdhā chalegā tiir na TeḌhī kamān se
bāzār-e-ishq meñ haiñ bahut dil jagah jagah
dekheñ vo mol lete haiñ kis kī dukān se
shorīda-sar vo huuñ ki use sar se toḌ duuñ
gar sañg-e-hādsa bhī gire āsmān se
arzāñ kare faroḳht agar mai-farosh-e-ishq
lene lageñ farishte bhī us kī dukān se
guzrī hai āzmā.ish-e-mahr-o-vafā meñ umr
fursat mujhe milī na kabhī imtihān se
dil bhī bachā jigar bhī bachā ḳhair ho ga.ī
tīr-e-nigāh paar huā darmiyān se
maiñ tum ko nāgavār huuñ dil mujh ko nāgavār
tum mujh se tañg aur huuñ maiñ tañg jaan se
haañ haañ tirā raqīb se be-shak hai rabt-zabt
rutba yaqīn kā hai ziyāda gumān se
mehr-o-vafā kā naam hai ab baat baat par
ye sun liyā hai aap ne kis kī zabān se
kaisā khilā hai phuul jab aayā bahār par
pūchhe to koī lutf-e-javānī javān se
dānista aate jātoñ se laḌtā hai raat din
phir ho paḌī thī aaj tire pāsbān se
is ḳhūb-rū ko bazm-e-hasīnāñ meñ dekhiye
kartā hai ān-bān baḌī ān-tān se
ai 'dāġh' is kī ḳhair manātā hai aadmī
koī aziiz baḌh ke nahīñ apnī jaan se
کھلتا نہیں ہے راز ہمارے بیان سے
لیتے ہیں دل کا کام ہم اپنی زبان سے
کیا لذت وصال ادا ہو بیان سے
سب حرف چپکے جاتے ہیں میری زبان سے
مشہور راز عشق ہے کس کے بیان سے
میری زبان سے کہ تمہاری زبان سے
فتنہ بنا زمین پہ ہر ذرہ خاک کا
نکلے ہیں بہر سیر وہ جس دم مکان سے
اس دن سے مجھ کو نیند نہ آئی تمام عمر
اک شب ملی تھی آنکھ ترے پاسبان سے
یہ خاک میں ملائے تو وہ ہو ستم شریک
مجھ کو زمیں سے لاگ انہیں آسمان سے
لینا سنبھالنا کہ مرے ہوش اڑ چلے
آتا ہے کوئی مست قیامت کی شان سے
مجھ سے نظر ملا کے تم ابرو میں بل نہ دو
سیدھا چلے گا تیر نہ ٹیڑھی کمان سے
بازار عشق میں ہیں بہت دل جگہ جگہ
دیکھیں وہ مول لیتے ہیں کس کی دکان سے
شوریدہ سر وہ ہوں کہ اسے سر سے توڑ دوں
گر سنگ حادثہ بھی گرے آسمان سے
ارزاں کرے فروخت اگر مے فروش عشق
لینے لگیں فرشتے بھی اس کی دکان سے
گزری ہے آزمائش مہر و وفا میں عمر
فرصت مجھے ملی نہ کبھی امتحان سے
دل بھی بچا جگر بھی بچا خیر ہو گئی
تیر نگاہ پار ہوا درمیان سے
میں تم کو ناگوار ہوں دل مجھ کو ناگوار
تم مجھ سے تنگ اور ہوں میں تنگ جان سے
ہاں ہاں ترا رقیب سے بے شک ہے ربط ضبط
رتبہ یقین کا ہے زیادہ گمان سے
مہر و وفا کا نام ہے اب بات بات پر
یہ سن لیا ہے آپ نے کس کی زبان سے
کیسا کھلا ہے پھول جب آیا بہار پر
پوچھے تو کوئی لطف جوانی جوان سے
دانستہ آتے جاتوں سے لڑتا ہے رات دن
پھر ہو پڑی تھی آج ترے پاسبان سے
اس خوبرو کو بزم حسیناں میں دیکھیے
کرتا ہے آن بان بڑی آن تان سے
اے داغؔ اس کی خیر مناتا ہے آدمی
کوئی عزیز بڑھ کے نہیں اپنی جان سے