ख़ुदा मा'लूम कैसा सेहर था इस बुत की चितवन में
चले जाती हैं अब तक चश्मकें शैख़-ओ-बरहमन में
छुपेंगे क्या असीरान-ए-बला सहरा के दामन में
मोहब्बत दाम की फिर खींच कर लाएगी गुलशन में
हिजाब उट्ठा ज़मीं से आसमाँ तक चाँदनी छिटकी
गहन में चाँद था जब तक छुपे बैठे थे चिलमन में
कनखियों से जो हम को बज़्म में तुम देख लेते हो
खटक जाते हैं काँटे की तरह हम-चश्म-ए-दुश्मन में
कनार-ए-आबजू बैठे हैं मस्त-ए-निकहत-ए-साग़र
नज़र सू-ए-फ़लक और हाथ है मीना की गर्दन में
गला घुटने लगा अब तंग आया हूँ गरेबाँ से
जुनूँ ने वाह क्या फाँसी लगाई मेरी गर्दन में
बहुत दस्त-ए-जुनूँ ने गुदगुदाया जब तो क्या करते
उतारीं बेड़ियाँ और पहने दुहरे तौक़ गर्दन में
बताओ सैर-ए-सहरा की कोई तदबीर वहशी को
गरेबाँ में तो हाथ उलझा फँसा है पाँव दामन में
मिला दे ख़ाक में ऐ चर्ख़ इस उजड़े हुए घर को
कि अपनी रूह तक बेचैन है अब ख़ाना-ए-तन में
थके-माँदे सफ़र के सो रहे हैं पाँव फैलाए
ये सब मर मर के पहुँचे हैं बड़ी मुश्किल से मदफ़न में
जो हर-दम झाँकते थे रौज़न-ए-दीवार-ए-ज़िंदाँ से
उन्हें फिर चैन आया किस तरह तारीक मदफ़न में
किसे मा'लूम दाग़-ए-आतिशीं से दिल पे क्या गुज़री
सिधारे ठंडे ठंडे सौंप कर सब हम को मदफ़न में
कुजा मूसा कुजा मक़्सूद सुब्हानलल्ज़ी-असरा
रगड़ कर एड़ियाँ बस रह गए वादी-ए-ऐमन में
हिजाब-ए-नाज़ बे-जा 'यास' जिस दिन बीच में आया
उसी दिन से लड़ाई ठन गई शैख़-ओ-बरहमन में
ḳhudā ma.alūm kaisā sehr thā is but kī chitvan meñ
chale jaatī haiñ ab tak chashmakeñ shaiḳh-o-barahman meñ
chhupeñge kyā asīrān-e-balā sahrā ke dāman meñ
mohabbat daam kī phir khīñch kar lā.egī gulshan meñ
hijāb uTThā zamīñ se āsmāñ tak chāñdnī chhiTkī
gahan meñ chāñd thā jab tak chhupe baiThe the chilman meñ
kanakhiyoñ se jo ham ko bazm meñ tum dekh lete ho
khaTak jaate haiñ kāñTe kī tarah ham-chashm-e-dushman meñ
kanār-e-ābjū baiThe haiñ mast-e-nik.hat-e-sāġhar
nazar sū-e-falak aur haath hai miinā kī gardan meñ
galā ghuTne lagā ab tañg aayā huuñ garebāñ se
junūñ ne vaah kyā phāñsī lagā.ī merī gardan meñ
bahut dast-e-junūñ ne gudgudāyā jab to kyā karte
utārīñ beḌiyāñ aur pahne duhre tauq gardan meñ
batāo sair-e-sahrā kī koī tadbīr vahshī ko
garebāñ meñ to haath uljhā phañsā hai paañv dāman meñ
milā de ḳhaak meñ ai charḳh is ujḌe hue ghar ko
ki apnī ruuh tak bechain hai ab ḳhāna-e-tan meñ
thake-māñde safar ke so rahe haiñ paañv phailā.e
ye sab mar mar ke pahuñche haiñ baḌī mushkil se madfan meñ
jo har-dam jhāñkte the rauzan-e-dīvār-e-zindāñ se
unheñ phir chain aayā kis tarah tārīk madfan meñ
kise ma.alūm dāġh-e-ātishīñ se dil pe kyā guzrī
sidhāre ThanDe ThanDe sauñp kar sab ham ko madfan meñ
kujā muusā kujā maqsūd sub.hānallazī-asrā
ragaḌ kar eḌiyāñ bas rah ga.e vādī-e-aiman meñ
hijāb-e-nāz be-jā 'yās' jis din beach meñ aayā
usī din se laḌā.ī Than ga.ī shaiḳh-o-barahman meñ
خدا معلوم کیسا سحر تھا اس بت کی چتون میں
چلے جاتی ہیں اب تک چشمکیں شیخ و برہمن میں
چھپیں گے کیا اسیران بلا صحرا کے دامن میں
محبت دام کی پھر کھینچ کر لائے گی گلشن میں
حجاب اٹھا زمیں سے آسماں تک چاندنی چھٹکی
گہن میں چاند تھا جب تک چھپے بیٹھے تھے چلمن میں
کنکھیوں سے جو ہم کو بزم میں تم دیکھ لیتے ہو
کھٹک جاتے ہیں کانٹے کی طرح ہم چشم دشمن میں
کنار آب جو بیٹھے ہیں مست نکہت ساغر
نظر سوئے فلک اور ہاتھ ہے مینا کی گردن میں
گلا گھٹنے لگا اب تنگ آیا ہوں گریباں سے
جنوں نے واہ کیا پھانسی لگائی میری گردن میں
بہت دست جنوں نے گدگدایا جب تو کیا کرتے
اتاریں بیڑیاں اور پہنے دہرے طوق گردن میں
بتاؤ سیر صحرا کی کوئی تدبیر وحشی کو
گریباں میں تو ہاتھ الجھا پھنسا ہے پاؤں دامن میں
ملا دے خاک میں اے چرخ اس اجڑے ہوئے گھر کو
کہ اپنی روح تک بے چین ہے اب خانۂ تن میں
تھکے ماندے سفر کے سو رہے ہیں پاؤں پھیلائے
یہ سب مر مر کے پہنچے ہیں بڑی مشکل سے مدفن میں
جو ہر دم جھانکتے تھے روزن دیوار زنداں سے
انہیں پھر چین آیا کس طرح تاریک مدفن میں
کسے معلوم داغ آتشیں سے دل پہ کیا گزری
سدھارے ٹھنڈے ٹھنڈے سونپ کر سب ہم کو مدفن میں
کجا موسیٰ کجا مقصود سبحان الذی اسریٰ
رگڑ کر ایڑیاں بس رہ گئے وادیٔ ایمن میں
حجاب ناز بے جا یاسؔ جس دن بیچ میں آیا
اسی دن سے لڑائی ٹھن گئی شیخ و برہمن میں