ख़ुद को हुजूम-ए-दहर में खोना पड़ा मुझे
जैसे थे लोग वैसा ही होना पड़ा मुझे
दुश्मन को मरते देख के लोगों के सामने
दिल हँस रहा था आँख से रोना पड़ा मुझे
कुछ इस क़दर थे फूल ज़मीं पर खिले हुए
तारों को आसमान में बोना पड़ा मुझे
ऐसी शिकस्त थी कि कटी उँगलियों के साथ
काँटों का एक हार पिरोना पड़ा मुझे
कारी नहीं था वार मगर एक उम्र तक
आब-ए-नमक से ज़ख़्म को धोना पड़ा मुझे
आसाँ नहीं है लिखना ग़म-ए-दिल की वारदात
अपना क़लम लहू में डुबोना पड़ा मुझे
इतनी तवील ओ सर्द शब-ए-हिज्र थी 'नसीम'
कितनी ही बार जागना सोना पड़ा मुझे
ḳhud ko hujūm-e-dahr meñ khonā paḌā mujhe
jaise the log vaisā hī honā paḌā mujhe
dushman ko marte dekh ke logoñ ke sāmne
dil hañs rahā thā aañkh se ronā paḌā mujhe
kuchh is qadar the phuul zamīñ par khile hue
tāroñ ko āsmān meñ bonā paḌā mujhe
aisī shikast thī ki kaTī uñgliyoñ ke saath
kāñToñ kā ek haar pironā paḌā mujhe
kaarī nahīñ thā vaar magar ek umr tak
āb-e-namak se zaḳhm ko dhonā paḌā mujhe
āsāñ nahīñ hai likhnā ġham-e-dil kī vārdāt
apnā qalam lahū meñ Dubonā paḌā mujhe
itnī tavīl o sard shab-e-hijr thī 'nasīm'
kitnī hī baar jāgnā sonā paḌā mujhe
خود کو ہجوم دہر میں کھونا پڑا مجھے
جیسے تھے لوگ ویسا ہی ہونا پڑا مجھے
دشمن کو مرتے دیکھ کے لوگوں کے سامنے
دل ہنس رہا تھا آنکھ سے رونا پڑا مجھے
کچھ اس قدر تھے پھول زمیں پر کھلے ہوئے
تاروں کو آسمان میں بونا پڑا مجھے
ایسی شکست تھی کہ کٹی انگلیوں کے ساتھ
کانٹوں کا ایک ہار پرونا پڑا مجھے
کاری نہیں تھا وار مگر ایک عمر تک
آب نمک سے زخم کو دھونا پڑا مجھے
آساں نہیں ہے لکھنا غم دل کی واردات
اپنا قلم لہو میں ڈبونا پڑا مجھے
اتنی طویل و سرد شب ہجر تھی نسیمؔ
کتنی ہی بار جاگنا سونا پڑا مجھے