ख़िज़ाँ-नसीब की हसरत ब-रू-ए-कार न हो
बहार शो'बदा-ए-चश्म-ए-इन्तिज़ार न हो
फ़रेब-ख़ूर्दा-ए-उल्फ़त से पूछिए क्या है
वो एक अहद-ए-मोहब्बत कि उस्तुवार न हो
नज़र को ताब-ए-नज़ारा न दिल को जुरअत-ए-दीद
जमाल-ए-यार से यूँ कोई शर्मसार न हो
क़बा-दरीदा-ओ-दामान-ओ-आस्तीं ख़ूनीं
गुलों के भेस में ये कोई दिल-फ़िगार न हो
न हो सकेगा वो रम्ज़-आश्ना-ए-कैफ़-ए-हयात
जो क़ल्ब चश्म-ए-तग़ाफ़ुल का राज़दार न हो
तरीक़-ए-इश्क़ पे हँसती तो है ख़िरद लेकिन
ये गुमरही कहीं मंज़िल से हम-कनार न हो
न ता'ना-ज़न हो कोई अहल-ए-होश मस्तों पर
कि ज़ोम-ए-होश भी इक आलम-ए-ख़ुमार न हो
वो क्या बताए कि क्या शय उमीद होती है
जिसे नसीब कभी शाम-ए-इंतिज़ार न हो
ये चश्म-ए-लुत्फ़ मुबारक मगर दिल-ए-नादाँ
पयाम-ए-इश्वा-ए-रंगीं सला-ए-दार न हो
किसी के लब पे जो आए नवेद-ए-ज़ीस्त बने
वही हदीस-ए-वफ़ा जिस पे ए'तिबार न हो
जो दो-जहान भी माँगे तो मैं ने क्या माँगा
वो क्या तलब जो ब-क़द्र-ए-अता-ए-यार न हो
ḳhizāñ-nasīb kī hasrat ba-rū-e-kār na ho
bahār sho.abada-e-chashm-e-intizār na ho
fareb-ḳhurda-e-ulfat se pūchhiye kyā hai
vo ek ahd-e-mohabbat ki ustuvār na ho
nazar ko tāb-e-nazāra na dil ko jur.at-e-dīd
jamāl-e-yār se yuuñ koī sharmsār na ho
qabā-darīda-o-dāmān-o-āstīñ ḳhūnīñ
guloñ ke bhes meñ ye koī dil-figār na ho
na ho sakegā vo ramz-āshnā-e-kaif-e-hayāt
jo qalb chashm-e-taġhāful kā rāzdār na ho
tarīq-e-ishq pe hañstī to hai ḳhirad lekin
ye gumrahī kahīñ manzil se ham-kanār na ho
na ta.ana-zan ho koī ahl-e-hosh mastoñ par
ki zo.am-e-hosh bhī ik ālam-e-ḳhumār na ho
vo kyā batā.e ki kyā shai umiid hotī hai
jise nasīb kabhī shām-e-intizār na ho
ye chashm-e-lutf mubārak magar dil-e-nādāñ
payām-e-ishva-e-rañgīñ salā-e-dār na ho
kisī ke lab pe jo aa.e naved-e-zīst bane
vahī hadīs-e-vafā jis pe e.atibār na ho
jo do-jahān bhī māñge to maiñ ne kyā māñgā
vo kyā talab jo ba-qadr-e-atā-e-yār na ho
خزاں نصیب کی حسرت بروئے کار نہ ہو
بہار شعبدۂ چشم انتظار نہ ہو
فریب خوردۂ الفت سے پوچھئے کیا ہے
وہ ایک عہد محبت کہ استوار نہ ہو
نظر کو تاب نظارہ نہ دل کو جرأت دید
جمال یار سے یوں کوئی شرمسار نہ ہو
قبا دریدہ و دامان و آستیں خونیں
گلوں کے بھیس میں یہ کوئی دل فگار نہ ہو
نہ ہو سکے گا وہ رمز آشنائے کیف حیات
جو قلب چشم تغافل کا رازدار نہ ہو
طریق عشق پہ ہنستی تو ہے خرد لیکن
یہ گمرہی کہیں منزل سے ہمکنار نہ ہو
نہ طعنہ زن ہو کوئی اہل ہوش مستوں پر
کہ زعم ہوش بھی اک عالم خمار نہ ہو
وہ کیا بتائے کہ کیا شے امید ہوتی ہے
جسے نصیب کبھی شام انتظار نہ ہو
یہ چشم لطف مبارک مگر دل ناداں
پیام عشوۂ رنگیں صلائے دار نہ ہو
کسی کے لب پہ جو آئے نوید زیست بنے
وہی حدیث وفا جس پہ اعتبار نہ ہو
جو دو جہان بھی مانگے تو میں نے کیا مانگا
وہ کیا طلب جو بقدر عطائے یار نہ ہو