ख़िज़ाँ के जौर से वाक़िफ़ कोई बहार न हो
किसी का पैरहन-ए-हुस्न तार-तार न हो
ब-रंग-ए-सब्ज़ा-ए-बेगाना रौंद डाले फ़लक
मुझे बहार भी आए तो साज़-गार न हो
ख़िज़ाँ के आते ही गुलचीं ने फेर लीं आँखें
किसी से कोई वफ़ा का उमीद-वार न हो
ठहर ठहर दिल-ए-वहशी बहार आने दे
अभी से बहर-ए-ख़ुदा इतना बे-क़रार न हो
टपक के आँखों से आए लहू जो दामन तक
तो इस बहार से बेहतर कोई बहार न हो
हया की बात है अब तक क़फ़स में ज़िंदा हूँ
चमन में जाऊँ तो नर्गिस से आँख चार न हो
बहार आई है घुट घुट के जान दे बुलबुल
क़फ़स में निकहत-ए-गुल की उमीद-वार न हो
इशारा-ए-गुल-ओ-बुलबुल पे चशमक-ए-नर्गिस
इलाही राज़ किसी का भी आश्कार न हो
बिछा है दाम-ए-तमन्ना असीर हो बुलबुल
क़फ़स की याद में इस तरह बे-क़रार न हो
असीर-ए-दाम न होना ज़रा सँभल ऐ दिल
ख़याल-ए-गेसू-ए-पुर-ख़म गले का बार न हो
जो देख ले मुझे साक़ी नशीली आँखों से
ये मस्त फिर कभी शर्मिंदा-ए-ख़ुमार न हो
'अबस है ज़िक्र-ए-शराब-ए-तहूर और वा'इज़
वो बात कर जो किसी दिल को नागवार न हो
विसाल जब नहीं मुमकिन तो दिल पे जब्र अच्छा
वो क्या करे जिसे दिल ही पर इख़्तियार न हो
वो तीर क्या जो किसी को न कर सके बिस्मिल
निगाह-ए-नाज़ वो क्या है जो दिल के पार न हो
मिज़ाज-ए-यार मुकद्दर न होने पाए 'यास'
बुलंद दामन-ए-ज़ीं कहीं से ग़ुबार न हो
ḳhizāñ ke jaur se vāqif koī bahār na ho
kisī kā pairahan-e-husn tār-tār na ho
ba-rañg-e-sabza-e-begāna rauñd Daale falak
mujhe bahār bhī aa.e to sāz-gār na ho
ḳhizāñ ke aate hī gulchīñ ne pher liiñ āñkheñ
kisī se koī vafā kā umīd-vār na ho
Thahar Thahar dil-e-vahshī bahār aane de
abhī se bahr-e-ḳhudā itnā be-qarār na ho
Tapak ke āñkhoñ se aa.e lahū jo dāman tak
to is bahār se behtar koī bahār na ho
hayā kī baat hai ab tak qafas meñ zinda huuñ
chaman meñ jā.ūñ to nargis se aañkh chaar na ho
bahār aa.ī hai ghuT ghuT ke jaan de bulbul
qafas meñ nik.hat-e-gul kī umīd-vār na ho
ishāra-e-gul-o-bulbul pe chashmak-e-nargis
ilāhī raaz kisī kā bhī āshkār na ho
bichhā hai dām-e-tamannā asiir ho bulbul
qafas kī yaad meñ is tarah be-qarār na ho
asīr-e-dām na honā zarā sañbhal ai dil
ḳhayāl-e-gesū-e-pur-ḳham gale kā baar na ho
jo dekh le mujhe saaqī nashīlī āñkhoñ se
ye mast phir kabhī sharminda-e-ḳhumār na ho
'abas hai zikr-e-sharāb-e-tahūr aur vā'iz
vo baat kar jo kisī dil ko nāgavār na ho
visāl jab nahīñ mumkin to dil pe jabr achchhā
vo kyā kare jise dil hī par iḳhtiyār na ho
vo tiir kyā jo kisī ko na kar sake bismil
nigāh-e-nāz vo kyā hai jo dil ke paar na ho
mizāj-e-yār mukaddar na hone paa.e 'yās'
buland dāman-e-zīñ kahīñ se ġhubār na ho
خزاں کے جور سے واقف کوئی بہار نہ ہو
کسی کا پیرہن حسن تار تار نہ ہو
برنگ سبزۂ بیگانہ روند ڈالے فلک
مجھے بہار بھی آئے تو ساز گار نہ ہو
خزاں کے آتے ہی گلچیں نے پھیر لیں آنکھیں
کسی سے کوئی وفا کا امیدوار نہ ہو
ٹھہر ٹھہر دل وحشی بہار آنے دے
ابھی سے بہر خدا اتنا بے قرار نہ ہو
ٹپک کے آنکھوں سے آئے لہو جو دامن تک
تو اس بہار سے بہتر کوئی بہار نہ ہو
حیا کی بات ہے اب تک قفس میں زندہ ہوں
چمن میں جاؤں تو نرگس سے آنکھ چار نہ ہو
بہار آئی ہے گھٹ گھٹ کے جان دے بلبل
قفس میں نکہت گل کی امیدوار نہ ہو
اشارۂ گل و بلبل پہ چشمک نرگس
الٰہی راز کسی کا بھی آشکار نہ ہو
بچھا ہے دام تمنا اسیر ہو بلبل
قفس کی یاد میں اس طرح بے قرار نہ ہو
اسیر دام نہ ہونا ذرا سنبھل اے دل
خیال گیسوئے پر خم گلے کا بار نہ ہو
جو دیکھ لے مجھے ساقی نشیلی آنکھوں سے
یہ مست پھر کبھی شرمندۂ خمار نہ ہو
عبث ہے ذکر شراب طہور اور واعظ
وہ بات کر جو کسی دل کو ناگوار نہ ہو
وصال جب نہیں ممکن تو دل پہ جبر اچھا
وہ کیا کرے جسے دل ہی پر اختیار نہ ہو
وہ تیر کیا جو کسی کو نہ کر سکے بسمل
نگاہ ناز وہ کیا ہے جو دل کے پار نہ ہو
مزاج یار مکدر نہ ہونے پائے یاسؔ
بلند دامن زیں کہیں سے غبار نہ ہو