खींच लाई है यहाँ लज़्ज़त-ए-आज़ार मुझे
जहाँ पानी न मिले आज वहाँ मार मुझे
धूप ज़ालिम ही सही जिस्म तवाना है अभी
याद आएगा कभी साया-ए-अश्जार मुझे
साल-हा-साल से ख़ामोश थे गहरे पानी
अब नज़र आए हैं आवाज़ के आसार मुझे
बाग़ की क़ब्र पे रोते हुए देखा था जिसे
नज़र आया वही साया सर-ए-दीवार मुझे
गिर के सद पारा हुआ अब्र में अटका हुआ चाँद
सर पे चादर सी नज़र आई शब-ए-तार मुझे
साँस में था किसी जलते हुए जंगल का धुआँ
सैर-ए-गुलज़ार दिखाते रहे बेकार मुझे
रात के दश्त में टूटी थी हवा की ज़ंजीर
सुब्ह महसूस हुई रेत की झंकार मुझे
वही जामा कि मिरे तन पे न ठीक आता था
वही इनआम मिला आक़िबत-ए-कार मुझे
जब से देखा है 'ज़फ़र' ख़्वाब-ए-शाबिस्तान-ए-ख़याल
बिस्तर-ए-ख़ाक पे सोना हुआ दुश्वार मुझे
khīñch laa.ī hai yahāñ lazzat-e-āzār mujhe
jahāñ paanī na mile aaj vahāñ maar mujhe
dhuup zālim hī sahī jism tavānā hai abhī
yaad aa.egā kabhī sāya-e-ashjār mujhe
sāl-hā-sāl se ḳhāmosh the gahre paanī
ab nazar aa.e haiñ āvāz ke āsār mujhe
baaġh kī qabr pe rote hue dekhā thā jise
nazar aayā vahī saaya sar-e-dīvār mujhe
gir ke sad paara huā abr meñ aTkā huā chāñd
sar pe chādar sī nazar aa.ī shab-e-tār mujhe
saañs meñ thā kisī jalte hue jangal kā dhuāñ
sair-e-gulzār dikhāte rahe bekār mujhe
raat ke dasht meñ TuuTī thī havā kī zanjīr
sub.h mahsūs huī ret kī jhankār mujhe
vahī jaama ki mire tan pe na Thiik aatā thā
vahī in.aam milā āqibat-e-kār mujhe
jab se dekhā hai 'zafar' ḳhvāb-e-shabistān-e-ḳhayāl
bistar-e-ḳhāk pe sonā huā dushvār mujhe
کھینچ لائی ہے یہاں لذت آزار مجھے
جہاں پانی نہ ملے آج وہاں مار مجھے
دھوپ ظالم ہی سہی جسم توانا ہے ابھی
یاد آئے گا کبھی سایۂ اشجار مجھے
سال ہا سال سے خاموش تھے گہرے پانی
اب نظر آئے ہیں آواز کے آثار مجھے
باغ کی قبر پہ روتے ہوئے دیکھا تھا جسے
نظر آیا وہی سایہ سر دیوار مجھے
گر کے صد پارہ ہوا ابر میں اٹکا ہوا چاند
سر پہ چادر سی نظر آئی شب تار مجھے
سانس میں تھا کسی جلتے ہوئے جنگل کا دھواں
سیر گلزار دکھاتے رہے بے کار مجھے
رات کے دشت میں ٹوٹی تھی ہوا کی زنجیر
صبح محسوس ہوئی ریت کی جھنکار مجھے
وہی جامہ کہ مرے تن پہ نہ ٹھیک آتا تھا
وہی انعام ملا عاقبت کار مجھے
جب سے دیکھا ہے ظفرؔ خواب شبستان خیال
بستر خاک پہ سونا ہوا دشوار مجھے