ख़याल-ओ-ख़्वाब बन के मेरे ज़ेहन से लिपट गए
वो इतनी दूर हो गए कि फ़ासले सिमट गए
सबा हमें तलाश कर के ज़ख़्म-ज़ख़्म हो गई
सुना है ख़ुशबुओं के सारे क़ाफ़िले पलट गए
त'अल्लुक़ात का सफ़र है और तेज़ धूप है
रफ़ाक़तों के रास्ते के सारे पेड़ कट गए
ख़राब मौसमों के शोर में ख़ुलूस बह गया
जो नाख़ुदा बने थे अपनी नाव ले के हट गए
ख़ला में अब बदन सँभालते रहो तमाम उम्र
कि हादसे तो पाँव की ज़मीन ले के हट गए
अधूरी ज़िंदगी को अब लिए फिरें कहाँ कहाँ
किताब-ए-दिल से उस के नाम के वर्क़ तो फट गए
वो आँख भर के अपने दाग़ देखता न देखता
ये आइनों को क्या हुआ कि सामने से हट गए
नई सदी सलाम करने आ रही थी 'जाफ़री'
चराग़ फेंक कर हमीं गुफाओं में पलट गए
ḳhayāl-o-ḳhvāb ban ke mere zehn se lipaT ga.e
vo itnī duur ho ga.e ki fāsle simaT ga.e
sabā hameñ talāsh kar ke zaḳhm-zaḳhm ho ga.ī
sunā hai ḳhushbuoñ ke saare qāfile palaT ga.e
ta'alluqāt kā safar hai aur tez dhuup hai
rafāqatoñ ke rāste ke saare peḌ kaT ga.e
ḳharāb mausamoñ ke shor meñ ḳhulūs bah gayā
jo nāḳhudā bane the apnī naav le ke haT ga.e
ḳhalā meñ ab badan sañbhālte raho tamām umr
ki hādse to paañv kī zamīn le ke haT ga.e
adhūrī zindagī ko ab liye phireñ kahāñ kahāñ
kitāb-e-dil se us ke naam ke varq to phaT ga.e
vo aañkh bhar ke apne daaġh dekhtā na dekhtā
ye ā.inoñ ko kyā huā ki sāmne se haT ga.e
na.ī sadī salām karne aa rahī thī 'ja.afarī'
charāġh pheñk kar hamīñ guphāoñ meñ palaT ga.e
خیال و خواب بن کے میرے ذہن سے لپٹ گئے
وہ اتنی دور ہو گئے کہ فاصلے سمٹ گئے
صبا ہمیں تلاش کر کے زخم زخم ہو گئی
سنا ہے خوشبوؤں کے سارے قافلے پلٹ گئے
تعلقات کا سفر ہے اور تیز دھوپ ہے
رفاقتوں کے راستے کے سارے پیڑ کٹ گئے
خراب موسموں کے شور میں خلوص بہہ گیا
جو ناخدا بنے تھے اپنی ناؤ لے کے ہٹ گئے
خلا میں اب بدن سنبھالتے رہو تمام عمر
کہ حادثے تو پاؤں کی زمین لے کے ہٹ گئے
ادھوری زندگی کو اب لئے پھریں کہاں کہاں
کتاب دل سے اس کے نام کے ورق تو پھٹ گئے
وہ آنکھ بھر کے اپنے داغ دیکھتا نہ دیکھتا
یہ آئنوں کو کیا ہوا کہ سامنے سے ہٹ گئے
نئی صدی سلام کرنے آ رہی تھی جعفریؔ
چراغ پھینک کر ہمیں گپھاؤں میں پلٹ گئے