ख़मोश रह के ज़वाल-ए-सुख़न का ग़म किए जाएँ
सवाल ये है कि यूँ कितनी देर हम किए जाएँ
ये नक़्श-गर के लिए सहल भी न हो शायद
कि हम से और भी इस ख़ाक पर रक़म किए जाएँ
कई गुज़िश्ता ज़माने कई शिकस्ता नुजूम
जो दस्तरस में हैं लफ़्ज़ों में कैसे ज़म किए जाएँ
ये गोश्वारे ज़बाँ के बहुत सँभाल चुके
सौ शे'र काट दिए जाएँ ख़्वाब कम किए जाएँ
तेरा ख़याल भी आए तो कितनी देर तलक
कई ग़ज़ाल मिरे दश्त-ए-दिल में रम किए जाएँ
मैं जानता हूँ ये मुमकिन नहीं मगर ऐ दोस्त
मैं चाहता हूँ कि वो ख़्वाब फिर बहम किए जाएँ
हिसाब दिल का रखें हम कि दहर का 'बाबर'
शुमार दाग़ किए जाएँ या दिरम किए जाएँ
ḳhamosh rah ke zavāl-e-suḳhan kā ġham kiye jaa.eñ
savāl ye hai ki yuuñ kitnī der ham kiye jaa.eñ
ye naqsh-gar ke liye sahl bhī na ho shāyad
ki ham se aur bhī is ḳhaak par raqam kiye jaa.eñ
ka.ī guzishta zamāne ka.ī shikasta nujūm
jo dastaras meñ haiñ lafzoñ meñ kaise zam kiye jaa.eñ
ye goshvāre zabāñ ke bahut sañbhāl chuke
sau she'r kaaT diye jaa.eñ ḳhvāb kam kiye jaa.eñ
terā ḳhayāl bhī aa.e to kitnī der talak
ka.ī ġhazāl mire dasht-e-dil meñ ram kiye jaa.eñ
maiñ jāntā huuñ ye mumkin nahīñ magar ai dost
maiñ chāhtā huuñ ki vo ḳhvāb phir baham kiye jaa.eñ
hisāb dil kā rakheñ ham ki dahr kā 'bābar'
shumār daaġh kiye jaa.eñ yā diram kiye jaa.eñ
خموش رہ کے زوال سخن کا غم کئے جائیں
سوال یہ ہے کہ یوں کتنی دیر ہم کئے جائیں
یہ نقش گر کے لیے سہل بھی نہ ہو شاید
کہ ہم سے اور بھی اس خاک پر رقم کئے جائیں
کئی گزشتہ زمانے کئی شکستہ نجوم
جو دسترس میں ہیں لفظوں میں کیسے ضم کئے جائیں
یہ گوشوارے زباں کے بہت سنبھال چکے
سو شعر کاٹ دیے جائیں خواب کم کئے جائیں
تیرا خیال بھی آئے تو کتنی دیر تلک
کئی غزال مرے دشت دل میں رم کئے جائیں
میں جانتا ہوں یہ ممکن نہیں مگر اے دوست
میں چاہتا ہوں کہ وہ خواب پھر بہم کئے جائیں
حساب دل کا رکھیں ہم کہ دہر کا بابرؔ
شمار داغ کئے جائیں یا درم کئے جائیں