ख़फ़ा है गर ये ख़ुदाई तो फ़िक्र ही क्या है
तिरी निगाह सलामत मुझे कमी क्या है
बस इक तजल्ली-ए-रंगीं बस इक तबस्सुम-ए-नाज़
रियाज़-ए-दहर में फूलों की ज़िंदगी क्या है
ख़ुदा-रसीदा सही लाख बरगुज़ीदा सही
जो आदमी को न समझे वो आदमी क्या है
अबस ये मश्क़-ए-रुकू-ओ-सुजूद है यारो
अगर पता नहीं मफ़्हूम-ए-बंदगी क्या है
कहीं ये लुत्फ़-ओ-इनायत की इब्तिदा तो नहीं
तुम्हीं बताओ ये अंदाज़-ए-बरहमी क्या है
दिलों के तार जो छू ले वही है शेर 'हफ़ीज़'
अगर ये बात नहीं है तो शाइरी क्या है
ḳhafā hai gar ye ḳhudā.ī to fikr hī kyā hai
tirī nigāh salāmat mujhe kamī kyā hai
bas ik tajallī-e-rañgīñ bas ik tabassum-e-nāz
riyāz-e-dahr meñ phūloñ kī zindagī kyā hai
ḳhudā-rasīda sahī laakh barguzīda sahī
jo aadmī ko na samjhe vo aadmī kyā hai
abas ye mashq-e-rukū-o-sujūd hai yaaro
agar pata nahīñ mafhūm-e-bandagī kyā hai
kahīñ ye lutf-o-ināyat kī ibtidā to nahīñ
tumhīñ batāo ye andāz-e-barhamī kyā hai
diloñ ke taar jo chhū le vahī hai sher 'hafīz'
agar ye baat nahīñ hai to shā.irī kyā hai
خفا ہے گر یہ خدائی تو فکر ہی کیا ہے
تری نگاہ سلامت مجھے کمی کیا ہے
بس اک تجلیٔ رنگیں بس اک تبسم ناز
ریاض دہر میں پھولوں کی زندگی کیا ہے
خدا رسیدہ سہی لاکھ برگزیدہ سہی
جو آدمی کو نہ سمجھے وہ آدمی کیا ہے
عبث یہ مشق رکوع و سجود ہے یارو
اگر پتہ نہیں مفہوم بندگی کیا ہے
کہیں یہ لطف و عنایت کی ابتدا تو نہیں
تمہیں بتاؤ یہ انداز برہمی کیا ہے
دلوں کے تار جو چھو لے وہی ہے شعر حفیظؔ
اگر یہ بات نہیں ہے تو شاعری کیا ہے