ख़ार मतलूब जो होवे तो गुलिस्ताँ माँगूँ
बिजली गिरने को जो जी चाहे तो बाराँ माँगूँ
शम्अ गुल होवे जो सुब्ह-ए-शब-ए-हिज्राँ माँगूँ
ओस पड़नी भी हो मौक़ूफ़ जो याराँ माँगूँ
ख़ाक में भी जो मिलूँ मैं तो किसी सहरा में
तुम से मिट्टी भी न ऐ गब्र ओ मुसलमाँ माँगूँ
बख़्त-ए-वाज़ूँ ने ज़बाँ को ये असर बख़्शा है
तल्ख़ी-ए-मर्ग मज़ा दे जो नमकदाँ माँगूँ
ख़ाना-ए-दिल में करूँ दाग़-ए-मोहब्बत को तलब
रौशनी के लिए इस घर के जो मेहमाँ माँगूँ
पादशाही से फ़क़ीरी का है पाया बाला
बोरिया छोड़ के क्या तख़्त-ए-सुलैमाँ माँगूँ
रंज से इश्क़ के है राहत-ए-दुनिया बद-तर
ज़ख़्म-ए-ख़ंदाँ हूँ अगर मैं गुल-ए-ख़ंदाँ माँगूँ
दे दिया कीजिए सौदाई तुम्हारा हूँ मियाँ
सूँघने को जो कभी ज़ुल्फ़-ए-परेशाँ माँगूँ
आशिक़-ए-दस्त-ए-निगारीं हूँ अजब क्या इस का
भीक दरिया से अगर पंजा-ए-मर्जां माँगूँ
मेवे पर बाग़-ए-जहाँ में हो जो दिल को रग़बत
शजर-ए-हुस्न से मैं सेब-ए-ज़नख़दाँ माँगूँ
जामा-ए-जिस्म भी रखने का नहीं दस्त-ए-जुनूँ
पैरहन-ए-ख़ाक में दीवाना-ए-उर्यां माँगूँ
यास-ओ-हिरमाँ हूँ जो लोहे के चने भी तो चबाऊँ
नेमत-ए-इश्क़ के क़ाबिल लब-ओ-दंदाँ माँगूँ
मिलती हो माँगने से बाग़-ए-जहाँ में जो मुराद
गुल से बुलबुल के कफ़न के लिए दामाँ माँगूँ
कब से दर पर तिरे साइल हूँ मैं 'आतिश' की तरह
वो मिले मुझ को जो कुछ ऐ शह-ए-ख़ूबाँ माँगूँ
ḳhaar matlūb jo hove to gulistāñ māñgūñ
bijlī girne ko jo jī chāhe to bārāñ māñgūñ
sham.a gul hove jo sub.h-e-shab-e-hijrāñ māñgūñ
os paḌnī bhī ho mauqūf jo yārāñ māñgūñ
ḳhaak meñ bhī jo milūñ maiñ to kisī sahrā meñ
tum se miTTī bhī na ai gabr o musalmāñ māñgūñ
baḳht-e-vāzhūñ ne zabāñ ko ye asar baḳhshā hai
talḳhī-e-marg mazā de jo namakdāñ māñgūñ
ḳhāna-e-dil meñ karūñ dāġh-e-mohabbat ko talab
raushnī ke liye is ghar ke jo mehmāñ māñgūñ
pādshāhī se faqīrī kā hai paayā baalā
boriyā chhoḌ ke kyā taḳht-e-sulaimāñ māñgūñ
rañj se ishq ke hai rāht-e-duniyā bad-tar
zaḳhm-e-ḳhandāñ huuñ agar maiñ gul-e-ḳhandāñ māñgūñ
de diyā kījiye saudā.ī tumhārā huuñ miyāñ
sūñghne ko jo kabhī zulf-e-pareshāñ māñgūñ
āshiqe-e-dast-e-nigārīñ huuñ ajab kyā is kā
bhiik dariyā se agar panja-e-marjāñ māñgūñ
meve par bāġh-e-jahāñ meñ ho jo dil ko raġhbat
shajar-e-husn se maiñ seb-e-zanaḳhdāñ māñgūñ
jāma-e-jism bhī rakhne kā nahīñ dast-e-junūñ
pairahan-e-ḳhāk meñ dīvāna-e-uryāñ māñgūñ
yās-o-hirmāñ huuñ jo lohe ke chane bhī to chabā.ūñ
ne.amat-e-ishq ke qābil lab-o-dandāñ māñgūñ
miltī ho māñgne se bāġh-e-jahāñ meñ jo murād
gul se bulbul ke kafan ke liye dāmāñ māñgūñ
kab se dar par tire saa.il huuñ maiñ 'ātish' kī tarah
vo mile mujh ko jo kuchh ai shah-e-ḳhūbāñ māñgūñ
خار مطلوب جو ہووے تو گلستاں مانگوں
بجلی گرنے کو جو جی چاہے تو باراں مانگوں
شمع گل ہووے جو صبح شب ہجراں مانگوں
اوس پڑنی بھی ہو موقوف جو یاراں مانگوں
خاک میں بھی جو ملوں میں تو کسی صحرا میں
تم سے مٹی بھی نہ اے گبر و مسلماں مانگوں
بخت واژوں نے زباں کو یہ اثر بخشا ہے
تلخیٔ مرگ مزا دے جو نمک داں مانگوں
خانۂ دل میں کروں داغ محبت کو طلب
روشنی کے لیے اس گھر کے جو مہماں مانگوں
پادشاہی سے فقیری کا ہے پایا بالا
بوریا چھوڑ کے کیا تخت سلیماں مانگوں
رنج سے عشق کے ہے راحت دنیا بد تر
زخم خنداں ہوں اگر میں گل خنداں مانگوں
دے دیا کیجئے سودائی تمہارا ہوں میاں
سونگھنے کو جو کبھی زلف پریشاں مانگوں
عاشق دست نگاریں ہوں عجب کیا اس کا
بھیک دریا سے اگر پنجۂ مرجاں مانگوں
میوے پر باغ جہاں میں ہو جو دل کو رغبت
شجر حسن سے میں سیب زنخداں مانگوں
جامۂ جسم بھی رکھنے کا نہیں دست جنوں
پیرہن خاک میں دیوانۂ عریاں مانگوں
یاس و حرماں ہوں جو لوہے کے چنے بھی تو چباؤں
نعمت عشق کے قابل لب و دنداں مانگوں
ملتی ہو مانگنے سے باغ جہاں میں جو مراد
گل سے بلبل کے کفن کے لئے داماں مانگوں
کب سے در پر ترے سائل ہوں میں آتشؔ کی طرح
وہ ملے مجھ کو جو کچھ اے شہ خوباں مانگوں