ख़ामोश हैं लब और आँखों से आँसू हैं कि पैहम बहते हैं
हम सामने उन के बैठे हैं और क़िस्सा-ए-फ़ुर्क़त कहते हैं
अब हुस्न-ओ-इश्क़ में फ़र्क़ नहीं अब दोनों की इक हालत है
मैं उन को देखता रहता हूँ वो मुझ को देखते रहते हैं
उन की वो हया वो ख़ामोशी अपनी वो मोहब्बत की नज़रें
वो सुनने को सब कुछ सुनते हैं हम कहने को सब कुछ कहते हैं
इस शौक़-ए-फ़रावाँ की यारब आख़िर कोई हद भी है कि नहीं
इंकार करें वो या वा'दा हम रास्ता देखते रहते हैं
हमदर्द नहीं हमराज़ नहीं किस से कहिए क्यूँ कर कहिए
जो दिल पे गुज़रती रहती है जो जान पे सदमे सहते हैं
आ देख कि ज़ालिम फ़ुर्क़त में क्या हाल मिरा बेहाल हुआ
आहों से शरारे झड़ते हैं आँखों से दरिया बहते हैं
'अकबर' शायद दिल खो बैठे वो जलसे वो अहबाब नहीं
तन्हा ख़ामोश से फिरते हैं हर वक़्त उदास से रहते हैं
ḳhāmosh haiñ lab aur āñkhoñ se aañsū haiñ ki paiham bahte haiñ
ham sāmne un ke baiThe haiñ aur qissa-e-furqat kahte haiñ
ab husn-o-ishq meñ farq nahīñ ab donoñ kī ik hālat hai
maiñ un ko dekhtā rahtā huuñ vo mujh ko dekhte rahte haiñ
un kī vo hayā vo ḳhāmoshī apnī vo mohabbat kī nazreñ
vo sunñe ko sab kuchh sunte haiñ ham kahne ko sab kuchh kahte haiñ
is shauq-e-farāvāñ kī yārab āḳhir koī had bhī hai ki nahīñ
inkār kareñ vo yā va.ada ham rāsta dekhte rahte haiñ
hamdard nahīñ hamrāz nahīñ kis se kahiye kyuuñ kar kahiye
jo dil pe guzartī rahtī hai jo jaan pe sadme sahte haiñ
aa dekh ki zālim furqat meñ kyā haal mirā behāl huā
aahoñ se sharāre jhaḌte haiñ āñkhoñ se dariyā bahte haiñ
'akbar' shāyad dil kho baiThe vo jalse vo ahbāb nahīñ
tanhā ḳhāmosh se phirte haiñ har vaqt udaas se rahte haiñ
خاموش ہیں لب اور آنکھوں سے آنسو ہیں کہ پیہم بہتے ہیں
ہم سامنے ان کے بیٹھے ہیں اور قصۂ فرقت کہتے ہیں
اب حسن و عشق میں فرق نہیں اب دونوں کی اک حالت ہے
میں ان کو دیکھتا رہتا ہوں وہ مجھ کو دیکھتے رہتے ہیں
ان کی وہ حیا وہ خاموشی اپنی وہ محبت کی نظریں
وہ سننے کو سب کچھ سنتے ہیں ہم کہنے کو سب کچھ کہتے ہیں
اس شوق فراواں کی یا رب آخر کوئی حد بھی ہے کہ نہیں
انکار کریں وہ یا وعدہ ہم راستہ دیکھتے رہتے ہیں
ہمدرد نہیں ہم راز نہیں کس سے کہئے کیوں کر کہئے
جو دل پہ گزرتی رہتی ہے جو جان پہ صدمے سہتے ہیں
آ دیکھ کہ ظالم فرقت میں کیا حال مرا بے حال ہوا
آہوں سے شرارے جھڑتے ہیں آنکھوں سے دریا بہتے ہیں
اکبرؔ شاید دل کھو بیٹھے وہ جلسے وہ احباب نہیں
تنہا خاموش سے پھرتے ہیں ہر وقت اداس سے رہتے ہیں