कौन था जो दस्त-ए-क़ातिल के लिए तय्यार था
एक मैं ही बज़्म-ए-अहल-ए-ख़्वाब में बेदार था
भर लिए हैं तीरगी से घर की दीवारों के घाव
क्या नया सूरज हमारे वास्ते आज़ाद था
ख़ुश्क नहरों से सदा-ए-तिश्नगी आती रही
और समुंदर मौज-ए-बे-आवाज़ से सरशार था
आ रहे थे मौसमों के नाम फूलों के पयाम
तुम न थे तो मौसम-ए-गुल भी निगह में ख़ार था
दे दिया घर के चराग़ों को हवा की गोद में
लोग कहते थे कि इक साया पस-ए-दीवार था
अब भी यूँ लगता है जैसे हर ख़बर हो आज की
इस लिए बरसों पुराना मेज़ पर अख़बार था
kaun thā jo dast-e-qātil ke liye tayyār thā
ek maiñ hī bazm-e-ahl-e-ḳhvāb meñ bedār thā
bhar liye haiñ tīrgī se ghar kī dīvāroñ ke ghaav
kyā nayā sūraj hamāre vāste āzād thā
ḳhushk nahroñ se sadā-e-tishnagī aatī rahī
aur samundar mauj-e-be-āvāz se sarshār thā
aa rahe the mausamoñ ke naam phūloñ ke payām
tum na the to mausam-e-gul bhī nigah meñ ḳhaar thā
de diyā ghar ke charāġhoñ ko havā kī god meñ
log kahte the ki ik saaya pas-e-dīvār thā
ab bhī yuuñ lagtā hai jaise har ḳhabar ho aaj kī
is liye barsoñ purānā mez par aḳhbār thā
کون تھا جو دست قاتل کے لئے تیار تھا
ایک میں ہی بزم اہل خواب میں بیدار تھا
بھر لیے ہیں تیرگی سے گھر کی دیواروں کے گھاؤ
کیا نیا سورج ہمارے واسطے آزاد تھا
خشک نہروں سے صدائے تشنگی آتی رہی
اور سمندر موج بے آواز سے سرشار تھا
آ رہے تھے موسموں کے نام پھولوں کے پیام
تم نہ تھے تو موسم گل بھی نگہ میں خار تھا
دے دیا گھر کے چراغوں کو ہوا کی گود میں
لوگ کہتے تھے کہ اک سایہ پس دیوار تھا
اب بھی یوں لگتا ہے جیسے ہر خبر ہو آج کی
اس لئے برسوں پرانا میز پر اخبار تھا