कौन से दिल में मोहब्बत नहीं जानी तेरी
जिस को सुनता हूँ वो कहता है कहानी तेरी
कुछ दहन ही नहीं वहम-ए-शो'अरा के नज़दीक
मू से बारीक कमर भी है गुमानी तेरी
जिस के आगे से गुज़रता है वो कहता है यही
देखी ऐ रूह-ए-रवाँ हम ने रवानी तेरी
शीशा-ए-मय से कोई मेरी ज़बानी कह दे
ख़ुश नहीं आती है ये पुम्बा-ए-दहानी तेरी
क्या तिरी शान है क़ुर्बान हों ऐ 'अफ़्व-ए-करीम
आस रखता है हर इक फ़ासिक़ ओ ज़ानी तेरी
इस ख़राबी में तिरे वास्ते फिरते हैं ख़राब
जुस्तुजू हम को है ऐ कुंज-ए-निहानी तेरी
'ऐन एहसाँ है मिरे सफ़हा-ए-दिल पर मुझ को
एक तस्वीर अगर खींच दे 'मानी' तेरी
सुब्ह तक शाम से करती है ज़बाँ ज़िक्र-ए-जमाल
नींद आती है किसे सुन के कहानी तेरी
मिस्ल-ए-गुल हँस के किसी रोज़ तू दिल को ख़ुश कर
ख़ूँ रुलाती है हमें ग़ुंचा-दहानी तेरी
नाज़-ओ-अंदाज़-ओ-अदा में है तरक़्क़ी दह-चंद
फ़ित्ना तिफ़्ली थी क़यामत है जवानी तेरी
कौन से ग़ल्ला का दाना तू ऐ दाना-ए-ख़ाल
हम ने अर्ज़ानी में भी पाई गिरानी तेरी
गर्म-जोशी से जलाया करे कश्फ़ ओ ख़िर्मन
बर्क़ हो सकती नहीं शोख़ी में सानी तेरी
जान की तरह से रखता है 'अज़ीज़ ऐ गुल-रू
दाग़-ए-दिल लाला ने समझा है निशानी तेरी
मिस्रा-ए-तेग़ है हर मिस्रा-ए-मौज़ूँ 'आतिश'
देख ली यार मिरी सैफ़-ज़बानी तेरी
kaun se dil meñ mohabbat nahīñ jaanī terī
jis ko suntā huuñ vo kahtā hai kahānī terī
kuchh dahan hī nahīñ vahm-e-sho.arā ke nazdīk
mū se bārīk kamar bhī hai gumānī terī
jis ke aage se guzartā hai vo kahtā hai yahī
dekhī ai rūh-e-ravāñ ham ne ravānī terī
shīsha-e-mai se koī merī zabānī kah de
ḳhush nahīñ aatī hai ye pamba-e-dahānī terī
kyā tirī shaan hai qurbān hoñ ai 'afv-e-karīm
aas rakhtā hai har ik fāsiq o zaanī terī
is ḳharābī meñ tire vāste phirte haiñ ḳharāb
justujū ham ko hai ai kunj-e-nihānī terī
'ain ehsāñ hai mire saf.ha-e-dil par mujh ko
ek tasvīr agar khīñch de 'mānī' terī
sub.h tak shaam se kartī hai zabāñ zikr-e-jamāl
niiñd aatī hai kise sun ke kahānī terī
misl-e-gul hañs ke kisī roz tū dil ko ḳhush kar
ḳhuuñ rulātī hai hameñ ġhuncha-dahānī terī
nāz-o-andāz-o-adā meñ hai taraqqī dah-chand
fitna tiflī thī qayāmat hai javānī terī
kaun se ġhalla kā daana tū ai dāna-e-ḳhāl
ham ne arzānī meñ bhī paa.ī girānī terī
garm-joshī se jalāyā kare kashf o ḳhirman
barq ho saktī nahīñ shoḳhī meñ saanī terī
jaan kī tarah se rakhtā hai 'azīz ai gul-rū
dāġh-e-dil laala ne samjhā hai nishānī terī
misra.a-e-teġh hai har misra.a-e-mauzūñ 'ātish'
dekh lī yaar mirī saif-zabānī terī
کون سے دل میں محبت نہیں جانی تیری
جس کو سنتا ہوں وہ کہتا ہے کہانی تیری
کچھ دہن ہی نہیں وہم شعرا کے نزدیک
مو سے باریک کمر بھی ہے گمانی تیری
جس کے آگے سے گزرتا ہے وہ کہتا ہے یہی
دیکھی اے روح رواں ہم نے روانی تیری
شیشۂ مے سے کوئی میری زبانی کہہ دے
خوش نہیں آتی ہے یہ پنبہ دہانی تیری
کیا تری شان ہے قربان ہوں اے عفو کریم
آس رکھتا ہے ہر اک فاسق و زانی تیری
اس خرابی میں ترے واسطے پھرتے ہیں خراب
جستجو ہم کو ہے اے کنج نہانی تیری
عین احساں ہے مرے صفحۂ دل پر مجھ کو
ایک تصویر اگر کھینچ دے مانیؔ تیری
صبح تک شام سے کرتی ہے زباں ذکر جمال
نیند آتی ہے کسے سن کے کہانی تیری
مثل گل ہنس کے کسی روز تو دل کو خوش کر
خوں رلاتی ہے ہمیں غنچہ دہانی تیری
ناز و انداز و ادا میں ہے ترقی دہ چند
فتنہ طفلی تھی قیامت ہے جوانی تیری
کون سے غلہ کا دانہ تو اے دانۂ خال
ہم نے ارزانی میں بھی پائی گرانی تیری
گرم جوشی سے جلایا کرے کشف و خرمن
برق ہو سکتی نہیں شوخی میں ثانی تیری
جان کی طرح سے رکھتا ہے عزیز اے گل رو
داغ دل لالہ نے سمجھا ہے نشانی تیری
مصرع تیغ ہے ہر مصرع موزوں آتشؔ
دیکھ لی یار مری سیف زبانی تیری