कौन सा ताइर-ए-गुम-गश्ता उसे याद आया
देखता भालता हर शाख़ को सय्याद आया
मेरे क़ाबू में न पहरों दिल-ए-नाशाद आया
वो मिरा भूलने वाला जो मुझे याद आया
कोई भूला हुआ अंदाज़-ए-सितम याद आया
कि तबस्सुम तुझे ज़ालिम दम-ए-बेदाद आया
लाए हैं लोग जनाज़े की तरह महशर में
किस मुसीबत से तिरा कुश्ता-ए-बेदाद आया
जज़्ब-ए-वहशत तिरे क़ुर्बान तिरा क्या कहना
खिंच के रग रग में मिरे नश्तर-ए-फ़स्साद आया
उस के जल्वे को ग़रज़ कौन-ओ-मकाँ से क्या था
दाद लेने के लिए हुस्न-ए-ख़ुदा-दाद आया
बस्तियों से यही आवाज़ चली आती है
जो किया तू ने वो आगे तिरे फ़रहाद आया
दिल-ए-वीराँ से रक़ीबों ने मुरादें पाईं
काम किस किस के मिरा ख़िर्मन-ए-बर्बाद आया
इश्क़ के आते ही मुँह पर मिरे फूली है बसंत
हो गया ज़र्द ये शागिर्द जब उस्ताद आया
हो गया फ़र्ज़ मुझे शौक़ का दफ़्तर लिखना
जब मिरे हाथ कोई ख़ामा-ए-फ़ौलाद आया
ईद है क़त्ल मिरा अहल-ए-तमाशा के लिए
सब गले मिलने लगे जब कि वो जल्लाद आया
चैन करते हैं वहाँ रंज उठाने वाले
काम उक़्बा में हमारा दिल-ए-नाशाद आया
दी शब-ए-वस्ल मोअज़्ज़िन ने अज़ाँ पिछली रात
हाए कम-बख़्त को किस वक़्त ख़ुदा याद आया
मेरे नाले ने सुनाई है खरी किस किस को
मुँह फ़रिश्तों पे ये गुस्ताख़ ये आज़ाद आया
ग़म-ए-जावेद ने दी मुझ को मुबारकबादी
जब सुना ये कि उन्हें शेवा-ए-बेदाद आया
मैं तमन्ना-ए-शहादत का मज़ा भूल गया
आज इस शौक़ से अरमान से जल्लाद आया
शादियाना जो दिया नाला ओ शेवन ने दिया
जब मुलाक़ात को नाशाद की नाशाद आया
लीजिए सुनिए अब अफ़्साना-ए-फ़ुर्क़त मुझ से
आप ने याद दिलाया तो मुझे याद आया
आप की बज़्म में सब कुछ है मगर 'दाग़' नहीं
हम को वो ख़ाना-ख़राब आज बहुत याद आया
kaun sā tā.ir-e-gum-gashta use yaad aayā
dekhtā bhāltā har shāḳh ko sayyād aayā
mere qaabū meñ na pahroñ dil-e-nāshād aayā
vo mirā bhūlne vaalā jo mujhe yaad aayā
koī bhūlā huā andāz-e-sitam yaad aayā
ki tabassum tujhe zālim dam-e-be-dād aayā
laa.e haiñ log janāze kī tarah mahshar meñ
kis musībat se tirā kushta-e-bedād aayā
jazb-e-vahshat tire qurbān tirā kyā kahnā
khiñch ke rag rag meñ mire nashtar-e-fassād aayā
us ke jalve ko ġharaz kaun-o-makāñ se kyā thā
daad lene ke liye husn-e-ḳhudā-dād aayā
bastiyoñ se yahī āvāz chalī aatī hai
jo kiyā tū ne vo aage tire farhād aayā
dil-e-vīrāñ se raqīboñ ne murādeñ pā.īñ
kaam kis kis ke mirā ḳhirman-e-barbād aayā
ishq ke aate hī muñh par mire phūlī hai basant
ho gayā zard ye shāgird jab ustād aayā
ho gayā farz mujhe shauq kā daftar likhnā
jab mire haath koī ḳhāma-e-faulād aayā
iid hai qatl mirā ahl-e-tamāshā ke liye
sab gale milne lage jab ki vo jallād aayā
chain karte haiñ vahāñ ranj uThāne vaale
kaam uqbā meñ hamārā dil-e-nāshād aayā
dī shab-e-vasl mo.azzin ne azaañ pichhlī raat
haa.e kam-baḳht ko kis vaqt ḳhudā yaad aayā
mere naale ne sunā.ī hai kharī kis kis ko
muñh farishtoñ pe ye gustāḳh ye āzād aayā
ġham-e-jāved ne dī mujh ko mubārakbādī
jab sunā ye ki unheñ sheva-e-bedād aayā
maiñ tamannā-e-shahādat kā mazā bhuul gayā
aaj is shauq se armān se jallād aayā
shādiyāna jo diyā naala o shevan ne diyā
jab mulāqāt ko nāshād kī nāshād aayā
lījiye suniye ab afsāna-e-furqat mujh se
aap ne yaad dilāyā to mujhe yaad aayā
aap kī bazm meñ sab kuchh hai magar 'dāġh' nahīñ
ham ko vo ḳhāna-ḳharāb aaj bahut yaad aayā
کون سا طائر گم گشتہ اسے یاد آیا
دیکھتا بھالتا ہر شاخ کو صیاد آیا
میرے قابو میں نہ پہروں دل ناشاد آیا
وہ مرا بھولنے والا جو مجھے یاد آیا
کوئی بھولا ہوا انداز ستم یاد آیا
کہ تبسم تجھے ظالم دم بیداد آیا
لائے ہیں لوگ جنازے کی طرح محشر میں
کس مصیبت سے ترا کشتۂ بیداد آیا
جذب وحشت ترے قربان ترا کیا کہنا
کھنچ کے رگ رگ میں مرے نشتر فصاد آیا
اس کے جلوے کو غرض کون و مکاں سے کیا تھا
داد لینے کے لیے حسن خداداد آیا
بستیوں سے یہی آواز چلی آتی ہے
جو کیا تو نے وہ آگے ترے فرہاد آیا
دل ویراں سے رقیبوں نے مرادیں پائیں
کام کس کس کے مرا خرمن برباد آیا
عشق کے آتے ہی منہ پر مرے پھولی ہے بسنت
ہو گیا زرد یہ شاگرد جب استاد آیا
ہو گیا فرض مجھے شوق کا دفتر لکھنا
جب مرے ہاتھ کوئی خامۂ فولاد آیا
عید ہے قتل مرا اہل تماشا کے لیے
سب گلے ملنے لگے جب کہ وہ جلاد آیا
چین کرتے ہیں وہاں رنج اٹھانے والے
کام عقبیٰ میں ہمارا دل ناشاد آیا
دی شب وصل موذن نے اذاں پچھلی رات
ہائے کم بخت کو کس وقت خدا یاد آیا
میرے نالے نے سنائی ہے کھری کس کس کو
منہ فرشتوں پہ یہ گستاخ یہ آزاد آیا
غم جاوید نے دی مجھ کو مبارک بادی
جب سنا یہ کہ انہیں شیوۂ بیداد آیا
میں تمنائے شہادت کا مزا بھول گیا
آج اس شوق سے ارمان سے جلاد آیا
شادیانہ جو دیا نالہ و شیون نے دیا
جب ملاقات کو ناشاد کی ناشاد آیا
لیجئے سنئے اب افسانۂ فرقت مجھ سے
آپ نے یاد دلایا تو مجھے یاد آیا
آپ کی بزم میں سب کچھ ہے مگر داغؔ نہیں
ہم کو وہ خانہ خراب آج بہت یاد آیا