कश्ती-हवस हवाओं के रुख़ पर उतार दे
खोए होऊँ से मिल ये दलद्दर उतार दे
बे-सम्त की उड़ान है शोख़ी शबाब की
उस छत पे आज तू ये कबूतर उतार दे
मैं इतना बद-मआ'श नहीं या'नी खुल के बैठ
चुभने लगी है धूप स्वेटर उतार दे
दिन-रात यूँ न ख़ौफ़ का गट्ठर उठाए फिर
ये बोझ अपने सर से झटक कर उतार दे
उस की ही आब-ओ-ताब से रौशन हो रेग-ए-दिल
ये तेग़ मेरे सीने के अंदर उतार दे
चेहरे से झाड़ पिछले बरस की कुदूरतें
दीवार से पुराना कैलेंडर उतार दे
ये बात ज़र्फ़ की नहीं है मावरा-ए-ज़र्फ़
चाहे तो इस कुएँ में समुंदर उतार दे
लोगों के साथ मेरी लड़ाई है आज-कल
बेहतर है मुझ को शहर से बाहर उतार दे
तू ख़ुद तो सात पर्दों में मस्तूर है 'ज़फ़र'
मल्बूस तेरे आगे वो क्यूँकर उतार दे
kashtī-havas havāoñ ke ruḳh par utaar de
kho.e ho.uuñ se mil ye daladdar utaar de
be-samt kī uḌaan hai shoḳhī shabāb kī
us chhat pe aaj tū ye kabūtar utaar de
maiñ itnā bad-ma.āsh nahīñ ya.anī khul ke baiTh
chubhne lagī hai dhuup sweater utaar de
din-rāt yuuñ na ḳhauf kā gaTThar uThā.e phir
ye bojh apne sar se jhaTak kar utaar de
us kī hī āb-o-tāb se raushan ho reg-e-dil
ye teġh mere siine ke andar utaar de
chehre se jhaaḌ pichhle baras kī kudūrateñ
dīvār se purānā calendar utaar de
ye baat zarf kī nahīñ hai māvarā-e-zarf
chāhe to is kueñ meñ samundar utaar de
logoñ ke saath merī laḌā.ī hai āj-kal
behtar hai mujh ko shahr se bāhar utaar de
tū ḳhud to saat pardoñ meñ mastūr hai 'zafar'
malbūs tere aage vo kyūñkar utaar de
کشتی ہوس ہواؤں کے رخ پر اتار دے
کھوئے ہوؤں سے مل یہ دلدر اتار دے
بے سمت کی اڑان ہے شوخی شباب کی
اس چھت پہ آج تو یہ کبوتر اتار دے
میں اتنا بد معاش نہیں یعنی کھل کے بیٹھ
چبھنے لگی ہے دھوپ سوئیٹر اتار دے
دن رات یوں نہ خوف کا گٹھر اٹھائے پھر
یہ بوجھ اپنے سر سے جھٹک کر اتار دے
اس کی ہی آب و تاب سے روشن ہو ریگ دل
یہ تیغ میرے سینے کے اندر اتار دے
چہرے سے جھاڑ پچھلے برس کی کدورتیں
دیوار سے پرانا کلنڈر اتار دے
یہ بات ظرف کی نہیں ہے ماوراے ظرف
چاہے تو اس کنویں میں سمندر اتار دے
لوگوں کے ساتھ میری لڑائی ہے آج کل
بہتر ہے مجھ کو شہر سے باہر اتار دے
تو خود تو سات پردوں میں مستور ہے ظفرؔ
ملبوس تیرے آگے وہ کیونکر اتار دے