कल बिछड़ते हुए ज़ब्त का मरहला इस क़दर तल्ख़ था क्या बताऊँ अख़ी
मेरी ख़ामोशियों की चटानों के अंदर थी मेरी सदा क्या बताऊँ अख़ी
तू अभी रौशनी और अंधेरे में क्या फ़र्क़ है इस से बिल्कुल भी वाक़िफ़ नहीं
एक बुझते दिए की जो मजबूर किरनों ने मुझ से कहा क्या बताऊँ अख़ी
वक़्त के कैनवस पर बनी इस बरहना सी बे-रंग तस्वीर में देख लो
उन दिनों इस ख़यालों के जंगल में मेरे सिवा कौन था क्या बताऊँ अख़ी
शायरी और मोहब्बत के सब ज़ाविए ऐसे लोगों की आँखों पे खुलते नहीं
उम्र-भर जिन के हिस्से में आता नहीं लम्स का ज़ाइक़ा क्या बताऊँ अख़ी
ख़्वाब पेड़ों की सूरत हैं और ये कभी ख़ुश्क-ओ-बंजर ज़मीनों में उगते नहीं
इस लिए नींद से भागने वालों को ख़्वाब का फ़ल्सफ़ा क्या बताऊँ अख़ी
kal bichhaḌte hue zabt kā marhala is qadar talḳh thā kyā batā.ūñ aḳhī
merī ḳhāmoshiyoñ kī chaTānoñ ke andar thī merī sadā kyā batā.ūñ aḳhī
tū abhī raushnī aur añdhere meñ kyā farq hai is se bilkul bhī vāqif nahīñ
ek bujhte diye kī jo majbūr kirnoñ ne mujh se kahā kyā batā.ūñ aḳhī
vaqt ke canvas par banī is barahna sī be-rañg tasvīr meñ dekh lo
un dinoñ is ḳhayāloñ ke jangal meñ mere sivā kaun thā kyā batā.ūñ aḳhī
shā.erī aur mohabbat ke sab zāviye aise logoñ kī āñkhoñ pe khulte nahīñ
umr-bhar jin ke hisse meñ aatā nahīñ lams kā zā.iqa kyā batā.ūñ aḳhī
ḳhvāb peḌoñ kī sūrat haiñ aur ye kabhī ḳhushk-o-banjar zamīnoñ meñ ugte nahīñ
is liye niiñd se bhāgne vāloñ ko ḳhvāb kā falsafa kyā batā.ūñ aḳhī
کل بچھڑتے ہوئے ضبط کا مرحلہ اس قدر تلخ تھا کیا بتاؤں اخی
میری خاموشیوں کی چٹانوں کے اندر تھی میری صدا کیا بتاؤں اخی
تو ابھی روشنی اور اندھیرے میں کیا فرق ہے اس سے بالکل بھی واقف نہیں
ایک بجھتے دیے کی جو مجبور کرنوں نے مجھ سے کہا کیا بتاؤں اخی
وقت کے کینوس پر بنی اس برہنہ سی بے رنگ تصویر میں دیکھ لو
ان دنوں اس خیالوں کے جنگل میں میرے سوا کون تھا کیا بتاؤں اخی
شاعری اور محبت کے سب زاویے ایسے لوگوں کی آنکھوں پہ کھلتے نہیں
عمر بھر جن کے حصے میں آتا نہیں لمس کا ذائقہ کیا بتاؤں اخی
خواب پیڑوں کی صورت ہیں اور یہ کبھی خشک و بنجر زمینوں میں اگتے نہیں
اس لئے نیند سے بھاگنے والوں کو خواب کا فلسفہ کیا بتاؤں اخی